ബി ബി സി ഇന്‍ഡ്യയുടെ വനമേഖലയില്‍ കടക്കേണ്ട,വിലക്ക് അഞ്ചു വര്‍ഷം

കാസിരംഗ ദേശീയ കടുവാ സംരക്ഷണ കേന്ദ്രത്തില്‍ ഇന്‍ഡ്യയൊരുക്കുന്ന സുരക്ഷാ വീഴ്ചയെ ഡോക്യുമെന്ററിയാക്കിയ ബി ബി സി യ്ക്കു ഇന്‍ഡ്യന്‍ വനമേഖലയില്‍ കടക്കുന്നതിന് വിലക്കേര്‍പ്പെടുത്തി.അഞ്ചു വര്‍ഷത്തേക്കാണ് വിലക്ക്.ബി ബി സിയുടെ റിപ്പോര്‍ട്ടറായ ജസ്റ്റിന്‍ റോവ്‌ലാട്ടിനും കാസിരംഗയില്‍ പ്രവേശിക്കുന്നതിന് വിലക്കുണ്ട്.ചാനലിനും റിപ്പോര്‍ട്ടര്‍ക്കും വിലക്കേര്‍പ്പെടുത്തിക്കൊണ്ടുള്ള വിജ്ഞാപനം ഇന്നലെയാണ് വന്നത്.

കാസിരംഗയില്‍ കാണ്ടാമൃഗങ്ങളുടെ സംരക്ഷണാര്‍ത്ഥം അവയ്ക്കു ഭീഷണിയാകുന്ന മറ്റ് മൃഗങ്ങളെ കൊല്ലാന്‍ വനം വകുപ്പിന് സര്‍ക്കാര്‍ നേരത്തേ അനുമതി നല്‍കിയിരുന്നു.ഈ അനുമതിയും മറ്റ് മൃഗങ്ങളുടെ നിലനില്പിന്റെ പ്രശ്‌നവുമാണ് ബിബിസിയുടെ ജസ്റ്റിന്‍ റോവ്‌ലട്ട് തന്റെ ഡോക്യുമെന്ററിയായ 'വണ്‍ വേള്‍ഡ്;കില്ലിംഗ് ഫോര്‍ കണ്‍സര്‍വേഷനിലൂടെ ചിത്രീകരിച്ചിരിക്കുന്നത്.ഡോക്യുമെന്ററിയില്‍ കേന്ദ്ര സര്‍ക്കാരിന് രൂക്ഷ വിമര്‍ശനവുമുണ്ട്.ഇതാണ് ബിബിസിയെയും ജീവനക്കാരനെയും കാടുകളില്‍ വിലക്കാനുള്ള കാരണമെന്നു കരുതുന്നു.