പ്രധാനമന്ത്രിയെ ‘കഴുത’യെന്ന് വിളിക്കാവുന്ന രാജ്യത്ത് അഭിപ്രായ സ്വാതന്ത്ര്യമില്ലേ,വെങ്കയ്യ നായിഡു

ഡല്‍ഹി യൂണിവേഴ്‌സിറ്റിയില്‍ എ ബി വി പിയുടെ അക്രമങ്ങള്‍ക്കെതിരെ പ്രതിഷേധമുയരുന്ന സാഹചര്യത്തിലാണ് വെങ്കയ്യ നായിഡു പ്രതിഷേധവുമായി രംഗത്തെത്തിയത്.പ്രധാനമന്ത്രിയെ കഴുതയെന്ന് വിളിക്കാവുന്ന രാജ്യത്ത് അഭിപ്രായ സ്വാതന്ത്ര്യമില്ലേയെന്നു നായിഡു ചോദിക്കുന്നു.രാജ്യത്ത് അടിയന്തിരാവസ്ഥ ഏര്‍പ്പെടുത്തിയ പാരമ്പര്യമുള്ള പാര്‍ട്ടിയ്ക്ക് അഭിപ്രായ സ്വാതന്ത്ര്യത്തെക്കുറിച്ച് പറയാന്‍ എന്താണ് യോഗ്യത എന്നും അദ്ദേഹം ചോദിച്ചു.

പ്രധാനമന്ത്രിയെ കഴുതയോടുപമിക്കുന്ന രാജ്യത്താണ് നിങ്ങള്‍ ജീവിക്കുന്നത്.ഇവിടെയെങ്ങനെയാണ് അഭിപ്രായ സ്വാതന്ത്ര്യം ഇല്ലാതിരിക്കുന്നത്.മറ്റുള്ളവരുടെ അഭിപ്രായ സ്വാതന്ത്രയത്തെ മാനിക്കുക എന്നാതാണ്അഭിപ്രായ സ്വതന്ത്ര്യം.വേണ്ടാത്തത് പറഞ്ഞ് ജനങ്ങളുടെ മനസില്‍ വിഷം കുത്തിവെയ്ക്കാനാണ് കോണ്‍ഗ്രസ് ശ്രമിക്കുന്നതെന്നും നായിഡു ആരോപിച്ചു.

ചില യൂണിവേഴ്‌സിറ്റികളിലുണ്ടാകുന്ന പ്രശ്‌നങ്ങള്‍ക്ക് ചേരിതിരിവിന്റെയും വര്‍ഗീയതയുടെ നിറം നല്‍കാനാണ് കോണ്‍ഗ്രസ് ശ്രമിക്കുന്നത്.ഇത്തരം കഴമ്പില്ലാത്ത ആരോപണങ്ങള്‍ ഉന്നയിച്ച് കോണ്‍ഗ്രസ് രാജ്യത്തു നിന്ന് ഇല്ലാതായിക്കൊണ്ടിരിക്കുകയാണെന്നും അദ്ദേഹം പറഞ്ഞു