നടി ആക്രമിക്കപ്പെട്ട സംഭവം : ദിലീപിനെതിരെ വ്യാജ പ്രചരണം നടത്തിയവര്‍ കുടുങ്ങും

നടി ആക്രമിക്കപ്പെട്ട സംഭവത്തില്‍ നടന്‍ ദിലീപിനെതിരെ സോഷ്യല്‍ മീഡിയയിലൂടെ പ്രചരണം നടത്തിയവര്‍ക്കെതിരെ ഡിജിപി അന്വേഷണത്തിന് ഉത്തരവിട്ടു. ആസൂത്രിതമായി നടനെ കേസില്‍ പ്രതിയാക്കണന്നെ തരത്തിലായിരുന്നു ചിലരുടെ നീക്കം. നടനെ പോലീസ് ചോദ്യം ചെയ്‌തെന്നും, പള്‍സര്‍ സുനിയുമായി അടുത്ത ബന്ധമുണ്ടെന്നുമുള്ള തരത്തിലാണ് വാര്‍ത്തകള്‍ പ്രചരിപ്പിച്ചത്. ഇതിനെതിരെ കഴിഞ്ഞ ദിവസം ഡിജിപിക്ക് ദിലീപ് പരാതി നല്‍കി. പരാതിക്ക് പിന്നാലെ എറണാകുളം ഡിസിപി യതീഷ് ബി ചന്ദ്രയെ കേസിന്റെ ചുമതല ഏല്‍പ്പിച്ചു. നടിയും ദിലീപും തമ്മില്‍ പ്രശ്‌നത്തിലാണെന്നും ഇതിന് ക്വട്ടേഷന്‍ നല്‍കിയന്ന തരത്തിലുമായിരുന്നു വാര്‍ത്ത. പോലീസ് മഫ്തിയില്‍ ദിലീപിന്റെ വീട്ടിലെത്തി ചോദ്യം ചെയ്‌തെന്നും വാര്‍ത്ത പ്രചരിപ്പിച്ചു. ദിലീപിനൊപ്പം ഇത് തള്ളി അന്വേഷണ സംഘവും രംഗത്തെത്തിയിരുന്നു. ദിലീപിനെതിരെയുള്ള ദുഷ്പ്രചരണം അവസാനിപ്പിക്കണമെന്ന് സിനിമ ലോകവും പറഞ്ഞു.