സദാചാര ഗുണ്ടായിസത്തിന് ഇരയായ യുവാവ് തൂങ്ങിമരിച്ച നിലയില്‍

കരുനാഗപ്പള്ളി അഴീക്കല്‍ ബീച്ചില്‍ വാലന്റൈന്‍സ് ദിനത്തില്‍ കൂട്ടുകാരിക്കൊപ്പമിരുന്നതിന്റെ പേരില്‍ സദാചാര ഗുണ്ടായിസത്തിന് ഇരയായ യുവാവ് തൂങ്ങിമരിച്ച നിലയില്‍. പാലക്കാട് അട്ടപ്പാടി കാരറ സ്വദേശി അനീഷിനെയാണ് മരിച്ചനിലയില്‍ കണ്ടെത്തിയത്. വാലന്റൈന്‍സ് ദിനത്തില്‍ അനീഷിനെയും സുഹൃത്തായ പെണ്‍കുട്ടിയെയും അഴീക്കല്‍ ബീച്ചില്‍ കണ്ടതിന്റെ പേരില്‍ ഒരു സംഘം ആക്രമിക്കുകയും ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിക്കുകയും ചെയ്തിരുന്നു. തങ്കള്‍ ആത്മഹത്യയുടെ വക്കിലാണെന്ന് ഇരുവരും നേരത്തെതന്നെ പറഞ്ഞിരുന്നു. ഇവരെ സദാചാര ഗുണ്ടകള്‍ അക്രമിക്കുകയും ദൃശ്യങ്ങള്‍ പകര്‍ത്തുകയും ചെയ്തിരുന്നു. അഞ്ചുപേരടങ്ങുന്ന സംഘമാണ് ഇവരെ ആക്രമിച്ചത്. പ്രാഥമിക കൃത്യത്തിനായി ബീച്ചിലെ ആളൊഴിഞ്ഞ ഭാഗത്തേയ്ക്ക് പോയ പെണ്‍കുട്ടിയെ ആദ്യം രണ്ടുപേര്‍ ചേര്‍ന്ന് ആക്രമിക്കുകയായിരുന്നു. പിന്നീടാണ് ബാക്കിയുള്ളവരും എത്തിയത്. പ്രതികളായ ബിജു, അഭിലാഷ്, ജിനേഷ്, എന്നിവരെ പോലീസ് അറസ്റ്റ് ചെയ്തിരുന്നു. മുഖ്യമന്ത്രിയുടെ കര്‍ശന ഇടപെടലിനെത്തുടര്‍ന്നാണ് പ്രതികളെ അറസ്റ്റ്‌ചെയ്തത്.