കാശ്മീരില്‍ വീണ്ടും ഏറ്റുമുട്ടല്‍,മൂന്നു സൈനികര്‍ കൊല്ലപ്പെട്ടു

കാശ്മീരിലെ ഷോപ്പിയാന്‍ ജില്ലയില്‍ ഇന്നു പുലര്‍ച്ചെ 2.30യ്ക്ക് സൈനികര്‍ക്കു നേരേയുണ്ടായ ഭീകരവാദികളായ ആയുധധാരികളുടെ ആക്രമണത്തിലാണ് മൂന്നു സൈനികര്‍ കൊല്ലപ്പെട്ടത്,നാലു പേര്‍ക്കുപരിക്കേറ്റു.പ്രദേശവാസിയായ ഒരു സ്ത്രീയും അക്രമത്തില്‍ കൊല്ലപ്പെട്ടിട്ടുണ്ട്.

ഇന്നു പുലര്‍ച്ചെ ഷോപ്പിയാനിലെ മാട്രിഗമില്‍ സൈന്യം നടത്തുന്ന സ്ഥിര പരിശോധനയ്ക്കു ശേഷം മടങ്ങിവരുന്നതിനിടയിലാണ് ഭീകരര്‍ സൈന്യത്തെ ആക്രമിക്കുന്നത്.സൈന്യം ശക്തമായി തിരിച്ചടിച്ചെങ്കിലും ആക്രമികള്‍ രക്ഷപെട്ടു. ഒരു സൈനീകന്‍ തല്‍ക്ഷണം കൊല്ലപ്പെട്ടു.പരിക്കേറ്റ ഉന്നത ഉദ്യോഗസ്ഥനടക്കമുള്ളവരുടെ നില ഗുരുതരമാണെന്ന് റിപ്പോര്‍ട്ടുകളുണ്ട്.