ഗവര്‍ണറുടെ നയപ്രഖ്യാപനത്തില്‍ കേന്ദ്രത്തിന് വിമര്‍ശനം

നോട്ടസാധുവാക്കലില്‍ കേന്ദ്രത്തെ വിമര്‍ശിച്ച് ഗവര്‍ണ്‍ പി സദാശിവത്തിന്റെ നയപ്രഖ്യാപന പ്രസംഗം.നോട്ടസാധുവാക്കല്‍ സംസ്ഥാനത്തെ ജനജീവിതത്തെ ബാധിച്ചു.സഹകരണ മേഖല പൂര്‍ണമായി സ്തംഭിച്ചു.റവന്യൂ വരുമാനം കുറഞ്ഞു.കേന്ദ്രസര്‍ക്കാരന്റെ തിടുക്കത്തിലുള്ള ഈ തീരുമാനത്തിനെ തുടര്‍ന്നുണ്ടായ പ്രതിസന്ധി നേരേയാകാന് എത്ര കാലമെടുക്കുമെന്ന് അറിയാന്‍ ജനത്തിന് അവകാശമുണ്ടെന്നും നയപ്രഖ്യാപന പ്രസംഗത്തില്‍ ഗവര്‍ണര്‍ പറഞ്ഞു.

ഇന്നു തുടങ്ങിയ നിയമാസമ്മേളത്തില്‍ പങ്കെടുക്കാന്‍ രാവിലെ സഭയില്‍ എത്തിയ ഗവര്‍ണറെ മുഖ്യമന്ത്രി പിണറായി വിജയനും സ്പീക്കര്‍ പി ശ്രീരാമകൃഷ്ണനും ചേര്‍ന്ന് സ്വീകരിച്ചു.മാര്‍ച്ച് മൂന്നിനാണ് ബജറ്റ് അവതരണം.ഇതിനിടയില്‍ റേഷന്‍ അരി വിതരണം ,സ്ത്രീ സുരക്ഷാ പ്രശ്‌നങ്ങള്‍ എന്നിവ ഉന്നയിച്ച് പ്രതിപക്ഷം പ്ലക്കാര്‍ഡുകളുമേന്തി പ്രതിഷേധിച്ചു.

ടപാതുജനസേവനം ഉറപ്പാക്ന്നതിന് സമഗ്ര നിയമം കൊണ്ടു വരുമെന്നും റബ്ബര്‍ കര്‍ഷകരുടെ പ്രശ്‌നം അടിയന്തിരമായി പരിഹരിക്കുന്നതിന് ആവശ്യമായ പദ്ധതികള്‍ നടപ്പിലാക്കുമെന്നും കൊടിയ വരള്‍ച്ച നേരിടാനുള്ള പദ്ധതികള്‍ കൊണ്ടുവരുമെന്നും നയപ്രഖ്യാപനത്തില്‍ ഗവര്‍ണര്‍ പറഞ്ഞു.