ആയുധ ഇറക്കുമതിയില്‍ ഇന്‍ഡ്യ മുന്നില്‍

മറ്റ് രാജ്യങ്ങളില്‍ നിന്ന് ആയുധങ്ങള്‍ ഇറക്കുമതി ചെയ്യുന്നതില്‍ ഇന്‍ഡ്യ മുന്നില്‍.ചൈന,പാക്കിസ്ഥാന്‍ എന്നീ രാജ്യങ്ങളും വന്‍തോതില്‍ ആയുധങ്ങള്‍ ശേഖരിക്കുന്നുണ്ടെങ്കിലും കഴിഞ്ഞ അഞ്ചു വര്‍ഷത്തേ കണക്കില്‍ ഇന്‍ഡ്യ തന്നെയാണ് മുന്നിലെന്ന് സ്റ്റോക്‌ഹോം ആസ്ഥാനമായ ഏജന്‍സിയുടെ പഠനം.

റഷ്യ,അമേരിക്ക,യറോപ്പ് ,ഇസ്രായേല്‍,തെക്കന്‍ കൊറിയ തുടങ്ങിയ രാജ്യങ്ങളെയാണ് ആയുധത്തിനായി ഇന്‍ഡ്യ പ്രധാനമായും ആശ്രയിക്കുന്നത്.ചിരവൈരികളായ ചൈന,പാക്കിസ്ഥാന്‍ എന്നീ രാജ്യങ്ങള്‍ ചെലവിടുന്നതിനേക്കാള്‍ ആയുധ ഇറക്കുമതിക്കായി ഇന്‍ഡ്യ പണം ചെലവിടുന്നുണ്ടെന്നാണ് സംഘടനയുടെ കണ്ടെത്തല്‍.

ആയുധ ഇറക്കുമതിയിലെ ആഗോള കണക്കില്‍ 2012 -16 കാലഘട്ടത്തില്‍ ആകെ ഇറക്കുമതിയിലെ 13% ഇന്‍ഡ്യയിലേക്കാണെന്നാണ് സ്റ്റോക്‌ഹോം പീസ് റിസര്‍ച്ച് ഇന്‍സ്റ്റിറ്റ്യൂട്ട് ഗവേഷണത്തില്‍ പറയുന്നത്. ആഗോള ആയുധ കയറ്റു മതി സൂചികയില്‍ റഷ്യയാണ് മുന്നില്‍.ആയുധ നിര്‍മ്മാണത്തിന്റെ 23% റഷ്യയിലാണ്.ഇതില്‍ 70% ആയുധങ്ങളും ഇന്‍ഡ്യ,വിയറ്റ്‌നാം,ചൈന,അല്‍ജീരിയ തുടങ്ങിയ രാജ്യങ്ങളിലേക്കാണ് കയറ്റുമതി ചെയ്യുന്നത്.