നിരപരാധികളുടെ ജീവനപഹരിച്ച് തടവ് അനുഭവിക്കുന്ന ഭീകരര്‍ക്ക് പരോള്‍ അനുവദിക്കാന്‍ കഴിയില്ല;സുപ്രീം കോടതി

ഭീകരപ്രവര്‍ത്തനങ്ങളില്‍ പങ്കാളികളായി നിരപരാധികളുടെ ജീവന്‍ അപഹരിച്ച് തടവ് അനുഭവിക്കുന്ന ഭീകരര്‍ക്ക് യാതൊരു കാരണവശാലം ഉപാധികളോടെയുളള ജാമ്യമോ പരോളോ അനുവദിക്കരുതെന്ന് സുപ്രീം കോടതി ഉത്തരവ്.ഇവര്‍ക്ക് കുടുംബത്തെ കാണാനും അവരോടൊപ്പം കഴിയാനും പരോള്‍ അനുവദിക്കുന്നതിനെ കോടതി രൂക്ഷമായ ഭാഷയില്‍ വിമര്‍ശിച്ചു.ഭീകരവാദികള്‍ക്ക് അവരുടെ കുടുംബത്തോട് എന്തു ബാധ്യതയാണുള്ളതെന്നും കോടതി ചോദിച്ചു.ഭീകരപ്രവര്‍ത്തനത്തില്‍ ഏര്‍പ്പെടുമ്പോള്‍ തന്നെ കുടുംബവും അവരോടുള്ള കടപ്പാടും ഇല്ലാതാകുമെന്നും കോടതി പറഞ്ഞു. 1996ല്‍ ലജ്പത് നഗറില്‍ 13 പേര്‍ കൊല്ലപ്പെടുകയും 38 പേര്‍ക്ക്പരിക്കേല്‍ക്കുകയും ചെയ്ത സ്‌ഫോടനത്തിന്റെ സൂത്രധാരന്‍ മുഹമ്മദ് നൗഷാദിന് ഉപാധികളോടെ ജാമ്യമനുവദിക്കുന്നതിനുള്ള ഹര്‍ജി പരിഗണിക്കുന്നതിനിടയില്‍ സുപ്രീം കോടതി ചീഫ് ജസ്റ്റിസ് ജെ എസ് കേഹാര്‍ ജഡ്ജിമാരായ ഡി വൈ ചന്ദ്രചൂഡ്,സഞ്ചയ് കൃഷ്ണ എന്നിവരുള്‍പ്പെട്ട ബെഞ്ചാണ് ഇക്കാര്യം വ്യക്തമാക്കിയത്.

ക്രൂരകൃത്യങ്ങള്‍ നടത്തിയ ശേഷം'എനിക്ക് കുടുംബമുണ്ട്,കുട്ടികളുണ്ട്,ജാമ്യമനുവദിക്കണമെന്നൊന്നും അവകാശപ്പെടാന്‍ ഭീകരപ്രവര്‍ത്തനിലേര്‍പ്പെടുന്നര്‍ക്ക് യാതൊരവകാശവുമില്ലെന്നാണ് ജാമ്യ ഹര്‍ജി നിരസിച്ച് രൂക്ഷഭാഷയില്‍ കോടതി മറുപടി നല്‍കിയത്‌