മോട്ടോര്‍ വാഹന വകുപ്പ് ഒന്നരക്കോടി രൂപയുടെ വാഹനങ്ങള്‍ വാങ്ങാന്‍ ഒരുങ്ങുന്നു

സംസ്ഥാനത്ത് മോട്ടോര്‍ വാഹന വകുപ്പ് ഒന്നരക്കോടി രൂപയുടെ വാഹനങ്ങള്‍ വാങ്ങാന്‍ ഒരുങ്ങുന്നു. റോഡ് സുരക്ഷ ഫണ്ട് ഉപയോഗിച്ചാണ് എന്‍ഫോഴ്‌സ്‌മെന്റ് വാഹനങ്ങള്‍ക്കായി ഭീമന്‍ തുക വകുപ്പ് മുടക്കുന്നത്. എന്നാല്‍ ഗതാഗത വകുപ്പിന്റെ ശക്തമായ എതിര്‍പ്പ് മറികടന്നാണ് മോട്ടോറിന് വാഹന അനുമതി മന്ത്രി നല്‍കിയത്. ഒന്നരക്കോടിയുടെ 14 വാഹനങ്ങളാണ് മോട്ടോര്‍ വകുപ്പ് സ്വന്തമാക്കാന്‍ ഒരുങ്ങുന്നത്. റോഡ് സുരക്ഷ ഫണ്ട് മറ്റ് ആവശ്യങ്ങള്‍ക്കായി ഉപയോഗിക്കാന്‍ പാടില്ലെന്ന റിപ്പോര്‍ട്ടിനെ മറികടന്നാണ് മന്ത്രി എ.കെ ശശീന്ദ്രന്‍ അനുമതി നല്‍കിയത്. 2014 ലാണ് മോട്ടോര്‍ വകുപ്പിന് കീഴില്‍ എന്‍ഫോഴ്‌സ്‌മെന്റ് സ്‌ക്വാഡ് രൂപീകരിച്ചത്. തുടര്‍ന്ന് ഇതിനായി 14 വാഹനങ്ങള്‍ വാങ്ങാന്‍ ലക്ഷം തുകയും അനുവദിച്ചു. പിന്നാലെ ഈ ഫണ്ട് ഉപയോഗിച്ച് ക്രമക്കേട് ഓഡിറ്റ് റിപ്പോര്‍ട്ടില്‍ കണ്ടെത്തിയതോടെയാണ് തുടര്‍ന്ന് ഈ നീക്കത്തെ ഗതാഗത വകുപ്പ് തടയിട്ടത്. വാഹനങ്ങള്‍ നിലനില്‍ക്കെ ഇനിയും വാങ്ങിയാല്‍ അധികചിലവാകുമെന്നും ഇത് ആരു വഹിക്കുമെന്നും ഗതാഗത വകുപ്പ് ഉന്നയിക്കുന്നു. ഒന്നര വര്‍ഷമായി വിവിധ വകുപ്പുകളിലൂടെ കറങ്ങിയ ഫയലാണ് നാലു ദിവസം കൊണ്ട് മന്ത്രി ഇടപെട്ട് ഉത്തരവിറക്കിയത്.