ഡ്രൈവിംഗ് ലൈസന്‍സ് ടെസ്റ്റ് ഇനി കടുകട്ടി

വാഹന ഉപയോഗിക്കുന്നത് കൂടുതല്‍ കാര്യക്ഷമമാക്കുന്നതിന്റെ ഭാഗമായി ഡ്രൈവിംഗ് ലൈസന്‍സ് റോഡ് ടെസ്റ്റ് ഇനി കടുകട്ടിയാകും. മോട്ടോര്‍ വാഹന വകുപ്പ് ഏര്‍പ്പെടുത്തുന്ന പുതിയ പരിഷ്‌ക്കാരങ്ങള്‍ തിങ്കളാഴ്ച മുതല്‍ നിലവില്‍ വരും. ഡ്രൈവിംഗ് ടെസ്റ്റില്‍ എച്ച് എടുക്കുന്നതിന് സ്ഥാപിക്കുന്ന കമ്പികളുടെ നീളം അഞ്ച് അടിയെന്നുള്ളത് രണ്ടര അടിയായി കുറച്ചു.എച്ച് എടുക്കുമ്പോള്‍ വളവു തിരിയുമ്പോള്‍ ഡ്രൈവിംഗ് സ്‌കൂളുകാര്‍ കമ്പിയില്‍ രേഖപ്പെടുത്തുന്ന അടയാളവും ഇനി ഉണ്ടാകില്ല.റിവേഴ്‌സ് എടുക്കുമ്പോള്‍ തിരിഞ്ഞു നോക്കുന്നതിനും ഡോറിനു വെളിയിലോട്ട് നോക്കുന്നതിനോ സാധിക്കില്ല.പകരം ഇരുവശങ്ങളിലെയും കണ്ണാടിയില്‍ കൂടി നോക്കി വേണം റിവേഴ്‌സ് എടുക്കാനെന്നുള്ള നിബന്ധന വരും. റോഡ് ടെസ്റ്റില്‍ നിരപ്പായ സ്ഥലത്തു കൂടി ഓടിക്കുന്നതിനൊപ്പം കയറ്റത്തിലും വാഹനമോടിച്ചു കാണിക്കണം.റിവേഴ്‌സ് പാര്‍ക്കിംഗ് വിജയകരമായി പൂര്‍ത്തിയാക്കണം.അതായത് രണ്ടു വാഹനങ്ങള്‍ക്കിടയിലൂടെ എങ്ങനെ വാഹനം പാര്‍ക്കു ചെയ്യാമെന്ന് കാണിക്കണം.പുറം രാജ്യങ്ങളില്‍ ലൈസന്‍സ് ലഭ്യമാകാന്‍ ഈ പരീക്ഷ നിര്‍ബന്ധമാണ്. ക്യാമറകളും സെന്‍സറുകളും ലൈസന്‍സ് നടപടിക്രമങ്ങളില്‍ നിര്‍ബന്ധമാക്കും.ടെസ്റ്റ് നടത്തുന്നതിന് സര്‍ക്കാര്‍ ഉടമസ്ഥതയിലുള്ള സ്ഥലം കണ്ടെത്തുന്ന നടപടികളും പുരോഗമിക്കുകയാണ്.