ഇരുപത്തൊന്നുകാരന് 1.25 കോടി ഓഫറുമായി യൂബര്‍

മികവിന് അംഗീകാരമായി ഡല്‍ഹി സാങ്കേതിക സര്‍വ്വകലാശാലയിലെ കമ്പ്യൂട്ടര്‍ സയന്‍സ് എന്‍ജിനിയറിംഗ് വിദ്യാര്‍ത്ഥിയായ സിദ്ധാര്‍ത്ഥിനാണ് 1.25കോടി രൂപ വാര്‍ഷിക പ്രതിഫലവുമായി യു എസ് ആസ്ഥാനമായ യൂബര്‍ രംഗത്തെത്തിയിരിക്കുന്നത്.സര്‍വ്വകലാശാലയുടെ ചരിത്രത്തില്‍ രണ്ടാമത്തെ മികച്ച ഓഫറാണ് സിദ്ധാര്‍ത്ഥിനു ലഭിച്ചിരിക്കുന്നത്.മുന്‍പ് 1.27 കോടി രൂപ പ്രതിഫലത്തിന് ഗൂഗിള്‍ ഒരു വിദ്യാര്‍ത്ഥിയെ ഇവിടെ നിന്ന് റിക്രൂട്ട് ചെയ്തിരുന്നു.അടിസ്ഥാന ശമ്പളമായ 71 ലക്ഷം രൂപയ്‌ക്കൊപ്പം മറ്റ് ആനുകൂല്യങ്ങളും കൂട്ടിയാണ് 1.25 കോടി രൂപ ലഭിക്കുന്നത്.നേരത്തേ യൂബര്‍ ടെക്‌നോളജീസില്‍ ഏഴാഴ്ച കാലം ഇന്റേര്‍ണ്ഷിപ്പ് ട്രെയിനിയായി സിദ്ധാര്‍ത് പോയിരുന്നു.

ഇയാളുടെ കുടംബത്തില്‍ നിന്നുള്ള ആദ്യത്തെ എന്‍ജിനിയറാണ് സിദ്ധാര്‍ത്ഥ്.അച്ഛന്‍ പ്ലാനിംഗ് കണ്‍സള്‍ട്ടന്റ് ആയും അമ്മ ട്രാന്‍സ്‌ക്രൈബറായും ജോലി ചെയ്യുന്നു.അനുജന്‍ ഇതേ യൂണിവേഴ്‌സിറ്റിയില്‍ വിദ്യാര്‍ത്ഥിയാണ്.