സി ബി എസ് ഇ വിദ്യാര്‍ത്ഥികള്‍ക്ക് ഇനി മുതല്‍ എന്‍ സി ആര്‍ ടി യുടെ പാഠപുസ്തകങ്ങള്‍ മാത്രം

രാജ്യത്ത് സി ബി എസ് ഇ വിദ്യാര്‍ത്ഥികള്‍ അടുത്ത അധ്യയന വര്‍ഷം മുതല്‍ എന്‍ സി ആര്‍ ടി യുടെ പാഠപുസ്തകം മാത്രം.കേന്ദ്ര മാനവ വിഭവശേഷി വകുപ്പു മന്ത്രി പ്രകാശ് ജാവദേക്കറിന്റെ അധ്യക്ഷതയില്‍ ചേര്‍ന്ന യോഗത്തിലാണ് തീരുമാനം. സി ബി എസ് ഇ സ്‌കൂളുകളുടെ കരിക്കുലം ഏകോപിപ്പിക്കുക,സ്വകാര്യ പ്രസാധകരുടെ പുസ്തകങ്ങള്‍ ഒഴിവാക്കുക തുടങ്ങിയ ആവശ്യങ്ങള്‍ക്ക് പരിഗണന നല്‍കിയാണ് സര്‍ക്കാര്‍ പുതിയ തീരുമാനം നടപ്പാക്കുന്നത്. എന്‍ സി ആര്‍ ടിയുടെപുസ്തകങ്ങള്‍ ലഭ്യമല്ലാത്ത സാഹചര്യത്തില്‍ അമിതവില കൊടുത്ത് സ്വകാര്യ പ്രസാധകരുടെ പുസ്തകങ്ങള്‍ വാങ്ങേണ്ടി വരുന്നുണ്ടെന്ന് രക്ഷിതാക്കള്‍ പരാതി നല്‍കിയിരുന്നു.ഇതിനു പിന്നാലെയാണ് പുതിയ തീരുമാനം.സ്വകാര്യ പ്രസാധകരുടെ പുസ്തകങ്ങള്‍ വാങ്ങാന്‍ സ്‌കൂളധികൃതരും നിര്‍ബന്ധിക്കുന്നുണ്ടെന്ന് പരാതി ഉയര്‍ന്നിരുന്നു. എന്നാല്‍ സ്‌കൂളുകള്‍ ആവശ്യമുള്ള പുസ്തകങ്ങളുടെ എണ്ണം സി ബി എസ് ഇ വെബ്‌സൈറ്റിലൂടെ അറിയിക്കാന്‍ അവസരമൊരിക്കിയിട്ടുണ്ട്.