അധികാരപ്പോര് തുടരുന്നു,ഗവര്‍ണര്‍ക്കെതിരെ ശശികല

തമിഴക രാഷ്ട്രീയത്തിലെ കസേരകളി തുടരുന്നതിനിടെ സര്‍ക്കാരുണ്ടാക്കുന്നതിനുള്ള ശശികലയുടെ നീക്കത്തിന് ഗവര്‍ണര്‍ ഇതുവരെ അനുമതി നല്‍കിയില്ല.ശശികലയുമായുള്ള കൂടിക്കാഴ്ചയ്ക്കും ഗവര്‍ണര്‍ അനുമതി നിഷേധിച്ചു.ഇതോടെ സര്‍ക്കാര്‍ രൂപീകരണവുമായി ബന്ധപ്പെട്ട് ഗവര്‍ണര്‍ അനുമതി നിഷേധിക്കുന്നതെനെതിരെ ശശികല രൂക്ഷവിമര്‍ശനവുമായി മുന്നോട്ടു വന്നു.പാര്‍ട്ടിയില്‍ ഭിന്നിപ്പുണ്ടാക്കുന്നതിനാണ് ഈ നീക്കം നടത്തുന്നതെന്നും അവര്‍ ആരോപിച്ചു.ഇതിനെതിരെ പ്രതിഷേധ പ്രകടനങ്ങള്‍ സംഘടിപ്പിക്കുമെന്നും അവര്‍ പറഞ്ഞു.ഒളിവില്‍ കഴിയുന്ന എം എല്‍ എ മാരേ സന്ദര്‍ശിച്ച ശേഷമാണ് ശശികല ഇക്കാര്യം വ്യക്തമാക്കിയത്

കൂടിക്കാഴ്ചയ്ക്ക് അനുമതി രാജ്ഭവന്‍ നിഷേധിച്ചെന്ന റിപ്പോര്‍ട്ടുകള്‍ പുറത്തു വന്നതിനു പിന്നാലെ ശശികല കൂവത്തൂരിലെ റിസോര്‍ട്ടിലെത്തി എം എല്‍ എ മാരേ കണ്ടതായാണ് റിപ്പോര്‍ട്ടുകള്‍.ശശികല ക്യാമ്പില്‍ നിന്നും കൂടുതല്‍ കൊഴിഞ്ഞു പോക്ക് തടയിടുന്നതിനു വേണ്ടിയുള്ള ശക്തമായ തയ്യാറെടുപ്പുകളോടെയാണ് ശശികല എം എല്‍ എ മാരേ സന്ദര്‍ശിച്ചതെന്നാണ് വിവരം.മൂന്നുമണിക്കൂറോളം ശശികല ഇവിടെ ചെലവഴിക്കുകയും,കൂടിക്കാഴ്ചയില്‍ എം എല്‍ എ മാര്‍ സന്തുഷ്ടരാണെന്നറിയിക്കുകയും ചെയ്തു.താനെരെയും ഒളിപ്പിച്ചിട്ടില്ലെന്നും എല്ലാവരും സ്വതന്ത്രരാണെന്നും അവര്‍ വ്യക്തമാക്കി മഹാബലിപുരത്തെ റിസോര്‍ട്ടില്‍ കഴിയുകയായിരുന്ന എം എല്‍ എമാരെ ശശികലയുടെ സന്ദര്‍ശനം പ്രമാണിച്ചാണ് കൂവത്തൂരിലേക്ക് മാറ്റിയത്‌