തല്‍ക്കാലം ശശികല വേണ്ടെന്ന് കേന്ദ്രത്തോടേ ഗവര്‍ണര്‍ ശുപാര്‍ശ ചെയ്‌തെന്ന് മാധ്യമങ്ങള്‍,ഇല്ലെന്ന് ഗവര്‍ണര്‍

തല്‍ക്കാലം ശശികലയ്ക്ക് മുഖ്യമന്ത്രി പദം നല്‍കേണ്ടതില്ലെന്ന് കേന്ദ്രത്തോട് ശുപാര്‍ശ ചെയ്‌തെന്ന വാര്‍ത്ത നിഷേധിച്ച് ഗവര്‍ണര്‍ വിദ്യാസാഗര്‍ റാവുവും രാജ്ഭവനും.ശശികലയെ മന്ത്രി സഭ ഉണ്ടാക്കാന്‍ തല്‍ക്കാലം ക്ഷണിക്കേണ്ടതില്ലെന്ന് റിപ്പോര്‍ട് നല്‍കിയതായാണ് പ്രമുഖ മാധ്യമങ്ങള്‍ റിപ്പോര്‍ട്ട് നല്‍കിയിരിക്കുന്നത്.അങ്ങനെയൊരു റിപ്പോര്‍ട് നല്‍കിയിട്ടില്ലെന്ന് ഗവര്‍റുടെ പ്രിന്‍സിപ്പല്‍ സെക്രട്ടറിയും അറിയിച്ചു. എം എല്‍ എമാരെ ഒളിവില്‍ പാര്‍പ്പിച്ചിരിക്കുന്നു,അനധികൃത സ്വത്തു സമ്പാദനക്കേസില്‍ ശശികലയുടെ പങ്ക് തുടങ്ങിയ ഉള്‍പ്പടെയുള്ള പരാമര്‍ശങ്ങളോടെ ശശികലയെ മാറ്റിനിര്‍ത്തണമെന്നാവശ്യപ്പെട്ടുള്ള റിപ്പോര്‍ട്ടാണ് ഗവര്‍ണര്‍ ആഭ്യന്തര മന്ത്രാലയത്തിന് കൈമാറിയതായാണ് റിപ്പോര്‍ട്ടുകളാണ് മാധ്യമങ്ങളില്‍ പ്രചരിച്ചത്.എന്നാല്‍ ഇന്നലെ രാത്രി വൈകിയും കേന്ദ്രത്തിന് അത്തരമൊരു റിപ്പോര്‍ട് ലഭിച്ചിട്ടില്ല. തമിഴ്‌നാട്ടില്‍ ഇപ്പോഴും രാഷ്ട്രീയാനിശ്ചിതാവസ്ഥ തുടരുകയാണ്.ആരോപണ പ്രത്യാരോപണങ്ങളുമായി ശശികല ക്യാമ്പും ഒപിഎസ് ക്യാമ്പും സജീവമാണ്.ഇതിനിടയില്‍ ഭരണ പ്രതിസന്ധിയും എം എല്‍ എമാരേ തടവില്‍ പാര്‍പ്പിച്ചിരിക്കുന്നു തുടങ്ങിയ വിഷയങ്ങളും ചൂണ്ടിക്കാട്ടി പ്രതിപക്ഷ നേതാവ് എം കെ സ്റ്റാലിന്‍ ഇന്നലെ ഗവര്‍ണറെ കണ്ടിരുന്നു.എം എല്‍ എ മാര്‍ എവിടെയാണെന്ന് വെളിപ്പെടുത്തണമെന്ന് മദ്രാസ് ഹൈക്കോടതി ആവശ്യപ്പെട്ടു.ഇതിനിടയില്‍ ശശികല ഉള്‍പ്പെട്ട അനധികൃത സ്വത്തു സമ്പാദനക്കേസില്‍ സുപ്രീംകോടതി വിധി വരാനിരിക്കുകയാണ്. തര്‍ക്കം രൂക്ഷമാകുന്ന സാഹചര്യത്തില്‍ തമഴ്‌നാട്ടില്‍ കേന്ദ്ര സേനയെ വിന്യസിക്കുമെന്നും റിപ്പോര്‍ട്ടുകളുണ്ട്. ഇനി , രാജ്ഭവനില്‍ നിന്നുള്ള അന്തിമ തീരുമാനത്തിനായി കാക്കുകയാണ് തമിഴകം.