ശശികലയ്‌ക്കെതിരെ ആഞ്ഞടിച്ച് ഒ പനീര്‍ശെല്‍വം, ഒ പി എസിനെ പാര്‍ട്ടി ട്രെഷറര്‍ സ്ഥാനത്തു നിന്ന് പുത്താക്കി ശശികല,എ ഐ ഡി എം കെ പിളര്‍പ്പിലേക്ക്

ശശികലയുടെ ഭീഷണിയ്ക്കു വഴങ്ങിയാണ് താന്‍ മുഖ്യമന്ത്രി സ്ഥാനം രാജവെച്ചതെന്ന് ഒ പനീര്‍ശെല്‍വം വ്യക്തമാക്കി.നേരത്തേ ജയലളിതയുടെ സ്മൃതിമണ്ഡപത്തില്‍ മുക്കാല്‍ മണിക്കൂറോളം നീണ്ട ധ്യാനത്തിനു ശേഷം പുറത്തു വന്ന ഒ പി എസ് പുതിയ വെളിപ്പെടുത്തലുകളുമായി രംഗത്തെത്തിയത്.താനറിയാതെയാണ് പാര്‍ട്ടി നിയമസഭാ കക്ഷി യോഗം വിളിച്ചത്.തുടര്‍ന്ന് തന്നോട് മുഖ്യമന്ത്രി സ്ഥാനം രാജി വെയ്ക്കാന്‍ ആവശ്യപ്പെടുകയായിരുന്നു,ഒ പി എസിന്റെ നാടകീയ നീക്കങ്ങള്‍ക്കു പിന്നാലെ ചേര്‍ന്ന പാര്‍ട്ടി നേതൃയോഗം എ ഐ ഡി എം കെ ട്രെഷറര്‍ സ്ഥാനത്തു നിന്നും അദ്ദേഹത്തെ നീക്കിയതായി അറിയിച്ചു. എന്നാല്‍ പാര്‍ട്ടി ഒറ്റക്കെട്ടാണെന്ന ശശികലയുടെ വാദവും പൊളിയുകയാണ് .135 എം എല്‍ എ മാരുടെ പിന്തുണയോടെ ഒ പി എസ് തന്നെ മുഖ്യമന്ത്രി പദത്തില്‍ തുടരുമെന്നാണ് പുതിയ നീക്കങ്ങള്‍ സൂചിപ്പിക്കുന്നത്.ശശികല ഉള്‍പ്പെട്ട അനധികൃത സ്വത്തു സമ്പാദനക്കേസില്‍ സുപ്രീംകോടതിയുടെ വിധി വരാനിരിക്കുന്നതും ശശികലയ്ക്കു തിരിച്ചടിയാണ്.മുഖ്യമന്ത്രിയുടെ സത്യപ്രതിജ്ഞയ്ക്ക് ഗവര്‍ണര്‍ വിദ്യാസാഗര്‍ റാവു അനുമതി കൊടുക്കാത്തതു മൂലം നേരത്തേ തന്നെ ചടങ്ങുകളുടെ ഒരുക്കങ്ങള്‍ നിര്‍ത്തിവെച്ചിരുന്നു.ഇതിനിടെ 135 എം എല്‍ എ മാരുടെ പിന്തുണയോടെ പനീര്‍ശെല്‍വം രാജി പിന്‍വലിക്കുമെന്ന സൂചനകളുമുണ്ട്.