“ജയലളിതയുടെ വീട്ടുജോലിക്കാരിയെ മുഖ്യമന്ത്രിയാക്കുന്നത് അംഗീകരിക്കാനാകില്ല…” : എം കെ സ്റ്റാലിൻ

ശശികലയെ മുഖ്യമന്ത്രിയാക്കുന്നതിനെതിരെ രംഗത്തെത്തിയിരിക്കുകയാണ് ഡി എം കെ നേതാവ് എം കെ സ്റ്റാലിൻ. ജയലളിതയുടെ വീട്ടുജോലിക്കാരിയെ മുഖ്യമന്ത്രിയാക്കുന്നത് അംഗീകരിക്കാനാകില്ല. ഇതു ജനാധിപത്യത്തിന് എതിരാണ്. ജയലളിതയ്ക്കു വേണ്ടിയാണ് 2016ൽ തമിഴ് ജനത വോട്ടു ചെയ്തത്. അല്ലാതെ ജയയുടെ വീട്ടുജോലിക്കാരിയെ മുഖ്യമന്ത്രിയാക്കുന്നതിനല്ലെന്ന് സ്റ്റാലിൻ പറഞ്ഞു. ജനറൽ സെക്രട്ടറിയുടെ ചുമതലയേറ്റെടുത്തതിനു പിന്നാലെ ശശികല മുഖ്യമന്ത്രിയാകണമെന്ന ആവശ്യം പാർട്ടിയിൽ ശക്തിപ്പെട്ടിരുന്നു. ഇപ്പോഴത്തെ മുഖ്യമന്ത്രിയായ പനീർശെൽവം രാജിവെക്കുമെന്നും വരുന്ന ദിവസങ്ങളിൽ ശശികല മുഖ്യമന്ത്രിയായി സത്യപ്രതിഞ്ജ ചെയ്യുമെന്നുമാണ് കേ‌ൾക്കുന്നത്. അതേ സമയം, മുഖ്യമന്ത്രിയെന്ന നിലയിൽ ശശികലയെ ജനങ്ങൾ എങ്ങനെ സ്വീകരിക്കുമെന്നതിനെക്കുറിച്ച് പാർട്ടിക്ക് ആശങ്കയുണ്ട്.