വീസാ റദ്ദാക്കല്‍,ഡൊണാള്‍ഡ് ട്രംമ്പിനെതിരെ പ്രതിഷേധം ശക്തം,പാലം കുലുങ്ങിയാലും കേളന്‍ കുലുങ്ങില്ല

ഏഴു രാജ്യക്കാര്‍ക്ക് അമേരിക്കയില്‍ പ്രവേശനം വിലക്കേര്‍പ്പെടുത്തിയ അമേരിക്കന്‍ പ്രസിഡന്റ് ഡൊണാള്‍ഡ് ട്രംമ്പിനെതിലെ ആഗോളതലത്തില്‍ പ്രതിഷേധം ശക്മാകുന്നു.വാഷിംഗ്ടണ്ണിലും ന്യൂയോര്‍ക്കിലുമുള്‍പ്പടെ അമേരിക്കകാര്‍ ഉള്‍പ്പടെ വിവിധ രാജ്യക്കാര്‍ തെരുവില്‍ പ്ലക്കാര്‍ഡുകളുമേന്തിയാണ് പ്രതിഷേധം ശക്തമാക്കിയിരിക്കുന്നത്.വിസാ റദ്ദാക്കല്‍ നയം സ്വീകരിച്ച് ദിവസങ്ങള്‍ കഴിഞ്ഞിട്ടും പ്രതിഷേധക്കാര്‍ ഗുരുതര മനുഷ്യാവകാശ ലംഘനത്തിനെതിരെ പ്രതിഷേധം തുടരുകയാണെന്ന് ആഗോള മാധ്യമങ്ങളിലെ റിപ്പോര്‍ട്ടുകള്‍ സൂചിപ്പിക്കുന്നു.വിദേശികള്‍ക്കൊപ്പം തോളോട് തോള്‍ ചേര്‍ന്ന് അമേരിക്കന്‍ പൗരന്‍മാരും വലിയ പ്രതിഷേധമാണ് ട്രംമ്പിന്റെ നയത്തിനെതിരെ ഉന്നയിക്കുന്നത്.മുസ്ലിം ഭൂരിപക്ഷമുള്ള ഏഴു രാജ്യക്കാര്‍ക്കാണ് വീസ പുതുക്കുന്നതും പുതിയത് നല്‍കുന്നതും അമേരിക്കയില്‍ നിര്‍ത്തിയിരിക്കുന്നത്.2015 ല്‍ ഭീകരാക്രമണത്തിന് ഇരയായ പാരിസില്‍ നിന്നു പോലും ട്രംമ്പിന്റെ നടപടിയെ അപഹസിച്ചിരിക്കുകയാണ്.സിഡ്‌നിയില്‍ അമേരിക്കന്‍ എംബസിക്കു മുന്നില്‍ പ്ലക്കാര്‍ഡുകളുമായി പ്രതിഷേധിക്കുന്ന സമരക്കാര്‍ ഓസ്‌ട്രേലിയ അഭയാര്‍ത്ഥികള്‍ക്ക് രക്ഷാസ്ഥാനം ഒരുക്കണമെന്ന തരത്തിലുള്ള ആവശ്യങ്ങളും ഉന്നയിക്കുന്നുണ്ട്.