‘പാരപണിതവര്‍ക്കൊക്കെ പണികിട്ടും’ ;സ്ഥാനം പോയാലും ഭരണം ലക്ഷ്മി നായരുടെ കൈയില്‍ തന്നെ…!!

ഇടതു ഗവണ്‍മെന്റിന്റെ രഹസ്യ നീക്കങ്ങള്‍ കൊണ്ടൊന്നും ലോ അക്കാഡമി സമരത്തില്‍ നിന്നും പിന്‍മാറാന്‍ വിദ്യാര്‍ത്ഥികള്‍ തയ്യാറല്ല, എ.കെജി സെന്ററില്‍ വച്ചു തയ്യാറാക്കിയ തിരക്കഥയും പൊളിയുന്നു. ഇന്നലെ എസ്എഫ്‌ഐയുടെ പെട്ടെന്നുള്ള പിന്മാറ്റവും പോലീസിനെ ഉപയോഗിച്ച് സമരക്കാരെ അടിച്ചൊതുക്കി വിദ്യാര്‍ത്ഥികളെ വിരട്ടിമൂലയ്ക്കിരുത്താമെന്ന ചില വിദ്ഗദ്ധരുടെ ഉപദേശവും പാളി. പ്രിന്‍സിപ്പല്‍ മാറിയാലും മാനേജ്‌മെന്റ് പ്രതിനിധിയായ ലക്ഷ്മി നായര്‍ ഭരിക്കും. വിദ്യാര്‍ത്ഥികള്‍ ഉയര്‍ത്തിയ പ്രശ്‌നങ്ങള്‍ക്ക് സമ്പൂര്‍ണ്ണ പരിഹാരത്തിന് അക്കാഡമി സര്‍ക്കാര്‍ ഏറ്റെടുക്കണം. ഇനിയും പിന്‍സീറ്റ് ഡ്രൈവിംഗും മാനേജ്‌മെന്റ് ദ്രോഹവും അനുവദിച്ചു കൂടെന്ന് വിദഗ്ദ്ധര്‍ പറയുന്നു. സര്‍വ്വകലാശാലയ്ക്കും വിദ്യാര്‍ത്ഥികള്‍ക്കും വിശ്വാസം നഷ്ടപ്പെട്ട ഒരു പ്രിന്‍സിപ്പല്‍ ഒരു സ്ഥാപനത്തിനും ഭൂഷണമല്ല. ലക്ഷ്മി നായര്‍ പ്രിന്‍സിപ്പല്‍ സ്ഥാനത്തു നിന്നും മാറിയാലും പിതാവ് നാരായണന്‍ നായരും , സഹോദരന്‍ നാഗരാജനും , ലക്ഷ്മിനായരുടെയും കൈകളില്‍ തന്നെയായിരിക്കും അക്കാഡമി ഭരണം. ഇന്റേണല്‍ മാര്‍ക്ക് ഉള്‍പ്പെടെയുള്ള കാര്യങ്ങളില്‍ ഇവരുടെ ഇടപെടലുകളുമുണ്ടാകും. മാത്രവുമല്ല കോടതിയുടെ സഹായത്തോടെ ലക്ഷ്മി നായര്‍ തിരിച്ചു വരാനുമിടയുണ്ട്. സമരം എസ്എഫ്‌ഐ ഒഴികെയുള്ള വിദ്യാര്‍ത്ഥി സംഘടനകള്‍ ഏറ്റെടുത്ത് കൊഴുപ്പിക്കുമ്പോള്‍ രാഷ്ട്രീയ പരമായ വലിയ മണ്ടത്തരമാണ് സിപിഎം എടുത്തത്. കോലിയക്കോടിന്റെ വ്യക്തിബന്ധങ്ങളും, പാര്‍ട്ടി ചാനല്‍ പിന്തുണയും , നാരായണന്‍ നായരുമായി സിപിഎമ്മിനുള്ള ബന്ധവും ഇത്തരമൊരു തീരുമാനത്തിന് കാരണമായി.