കേരളത്തില്‍ ആനകളെ എഴുന്നള്ളിച്ചാല്‍ തമിഴ്‌നാട്ടില്‍ ജെല്ലിക്കെട്ടുമാകാം:കമലഹാസന്‍.

ജെല്ലിക്കെട്ടിനെ പിന്തുണച്ച് നടന്‍ കമല്‍ഹാസന്‍. ജെല്ലിക്കെട്ട് വിലക്കിയ തീരുമാനത്തിനെതിരായ തമിഴരുടെ അതൃപ്തിയുടെ പ്രതീകമായിരുന്നു മറീന ബീച്ചിലെ സമരമെന്ന് അദ്ദേഹം പറഞ്ഞു. വിഷയത്തില്‍ സര്‍ക്കാറിന്റെത് ഇരട്ടത്താപ്പാണ്. ജെല്ലിക്കെട്ടിനായുള്ള നിയമഭേദഗതിക്ക് 20 വര്‍ഷത്തെ പഴക്കമുണ്ട്. ജെല്ലിക്കെട്ട് നിയന്ത്രിക്കുകയോ നിരോധിക്കുകയോ ചെയ്യരുത്. എല്ലാ വര്‍ഷവും കേരളത്തില്‍ ആനകള്‍ മദം പൊട്ടുന്നുണ്ട്. അവ ജനങ്ങളെ ആക്രമിക്കുക മാത്രമല്ല, പൊതുസ്വത്തുക്കള്‍ തകര്‍ക്കുകയും ചെയ്യാറുണ്ട്. എന്നാല്‍ ഇപ്പോള്‍ ആനകള്‍ക്ക് പ്രത്യേക പരിശീലനം നല്‍കുന്നുണ്ടെന്നും കമല്‍ഹാസന്‍ പറഞ്ഞു.ജെല്ലിക്കെട്ടില്‍ മരിക്കുന്നതിലേറെ പേര്‍ അപകടങ്ങളില്‍ മരിക്കുന്നുണ്ട്. തമിഴ്നാടിന്റെ സംസ്‌കാരത്തിന്റെ ഭാഗമാണ് ജെല്ലിക്കട്ടെന്നും കമല്‍ പറഞ്ഞു. മുഖ്യമന്ത്രി പ്രക്ഷോഭങ്ങള്‍ക്ക് നേതൃത്വം നല്‍കണമായിരുന്നുവെന്നും അദ്ദേഹം കൂട്ടിച്ചേര്‍ത്തു.