രാഷ്ട്രീയത്തിന്റെ പശ്ചാത്തലത്തില്‍ സിനിമ കയ്യടക്കാന്‍ ബിജെപിയും

രാഷ്ട്രീയത്തിന്റെ പശ്ചാത്തലത്തില്‍ സിനിമ കയ്യടക്കാന്‍ ബിജെപിയും. സൂപ്പര്‍താരം സുരേഷ്‌ഗോപിയേയും സൂപ്പര്‍ഹിറ്റു സംവിധായകരില്‍ പെടുന്ന രാജസേനനെയും കൂട്ടുപിടിച്ച് പുതിയ ചുവട് വെയ്പ്പിന് ബിജെപിയും ശ്രമം തുടങ്ങിയതായാണ് റിപ്പോര്‍ട്ടുകള്‍. പാര്‍ട്ടിയുടെ സാംസ്‌ക്കാരിക വിഭാഗമായ ഉണര്‍വ്വാണ് സംഘടനയ്ക്ക ചുക്കാന്‍ പിടിക്കുന്നതെന്നും പാര്‍ട്ടി ജനറല്‍ സെക്രട്ടറി എ.എന്‍.രാധാകൃഷ്ണന്‍ സംഘടനയുടെ തലപ്പത്ത് എത്തുമെന്നുമാണ് കേള്‍ക്കുന്നത്. അടുത്ത മാസം ആദ്യം തിരുവനന്തപുരത്ത് നടക്കാനിരിക്കുന്ന ഹിന്ദു സമ്മേളനത്തില്‍ സംഘടനയുടെ പ്രഖ്യാപനം ഉണ്ടാകുമെന്നാണ് സൂചന. പാര്‍ട്ടിയുമായി ആഭിമുഖ്യമുള്ള സംവിധായകരുടെയും, നടീ-നടന്മാരുടെയും പിന്തുണ സംഘടനയ്ക്കുണ്ടാകും. നിലവില്‍ സുരേഷ്‌ഗോപി, രാജസേനന്‍, അലി അക്ബര്‍ തുടങ്ങി സിനിമാമേഖലയിലെ ചില പരിചയ സമ്പന്നര്‍ തങ്ങളുടെ രാഷ്ട്രീയ നിലപാടുകള്‍ വ്യക്തമാക്കി മുന്നോട്ട് വന്നിട്ടുണ്ട്. ഫെഫ്കയെ സിപിഎമ്മിന്റെ ഭാഗമാക്കാന്‍ ചിലര്‍ ബോധപൂര്‍വ്വം ശ്രമം നടത്തുന്നതായി ബി.ജെ.പി. അംഗമായ സംവിധായകന്‍ രാജസേനന്‍ അടുത്തിടെ ആരോപിച്ചിരുന്നു. ഒരു പാര്‍ട്ടിയുടെ നിലപാടുകള്‍ മാത്രം പരിഗണിക്കുകയും, തങ്ങളുടെ ഉള്‍പ്പെടെ നിലപപാടുകളെ തിരസ്‌കരിക്കുകയും ചെയ്യുന്നു എന്ന തോന്നലാണ് പാര്‍ട്ടിയെ സംഘടനയിലേക്ക് എത്തിച്ചത്.