വീണ്ടും വിവാഹം കഴിക്കുന്നുവെന്ന വാര്‍ത്ത നിഷേധിച്ച് നടി ലിസി

പ്രിയദര്‍ശനുമായി വീണ്ടും വിവാഹം കഴിക്കുന്നുവെന്ന വാര്‍ത്ത നിഷേധിച്ച് നടി ലിസി. പ്രിയര്‍ദര്‍ശനുമായി വീണ്ടും വിവാഹിതയാകുന്നെന്ന വാര്‍ത്ത അടിസ്ഥാനരഹിതമാണ്. ഇപ്പോഴും ഇനി ഒരിക്കലും സംഭവിക്കാത്ത കാര്യമാണ് അത്. തങ്ങള്‍ എന്തിനാണ് വിവാഹമോചിതരാകാന്‍ തീരുമാനിച്ചതെന്ന് മക്കള്‍ക്കും പ്രിയദര്‍ശനും ബഹുമാനപ്പെട്ട കോടതിക്കും അറിയാം. വിവാഹമോചനത്തിലേക്ക് നയിച്ച കാരണങ്ങള്‍ പരിഹരിക്കാനാകാത്തതാണ്. താന്‍ എന്തൊക്കെ അനുഭവിച്ചുവെന്നും അത് എന്തിന് വേണ്ടി സഹിച്ചുവെന്നും തനിക്ക് മാത്രമേ അറിയൂ. അത് മറ്റാരുമായും ചര്‍ച്ച ചെയ്യാനും വെളിപ്പെടുത്താനും താന്‍ തയ്യാറല്ല. പ്രിയനുമായി വീണ്ടും ഒന്നിക്കുന്നുവെന്ന തരത്തിലുള്ള വാര്‍ത്തകര്‍ കെട്ടിച്ചമച്ചതാണെന്നും ലിസി ഫെയ്‌സ്ബുക്ക് പോസ്റ്റില്‍ വ്യക്തമാക്കി.