സൗദിയില്‍ ജയില്‍ശിക്ഷ അനുഭവിക്കേ മരിച്ച കൊല്ലം സ്വദേശിയുടെ മൃതദേഹം നാട്ടിലെത്തിച്ചു

സൗദിയിലെ തെക്കുപടിഞ്ഞാറന്‍ പ്രവിശ്യയായ ജീസാനില്‍ ജയില്‍ ശിക്ഷ അനുഭവിക്കുന്നതിനിടെ മരിച്ച കൊല്ലം സ്വദേശിയുടെ മൃതദേഹം നാട്ടിലെത്തിച്ചു. കൊല്ലം അമ്പലംകുന്ന് നെട്ടയം സ്വദേശിയാണ് തടവുകാരനായിരിക്കെ ചിക്കന്‍പോക്‌സ് ബാധിച്ച് മരിച്ചത്. അദ്ദേഹത്തിന്റെ മൃതദേഹം വീട്ടുവളപ്പില്‍ സംസ്‌കരിച്ചു. സ്‌പോണ്‍സര്‍ കൈയ്യൊഴിഞ്ഞതിനാല്‍ എംബാമിങ്ങിനും വിമാന ടിക്കറ്റിനും അടക്കമുള്ള ചെലവുകള്‍ക്ക് ആവശ്യമായ പണം നാട്ടില്‍നിന്നും എത്തിച്ചാണ് നടപടികള്‍ പൂര്‍ത്തീകരിച്ചത്. അദ്ദേഹം ഏകദേശം 25 വര്‍ഷം മുമ്പാണ് സൗദിയിലെത്തിയത്. സ്‌പോണ്‍സറോടൊപ്പം ജീസാന്‍ പച്ചക്കറി മാര്‍ക്കറ്റിലെ കടയില്‍ ജോലി ചെയ്യുന്നതിനിടെയാണ് നിയമലംഘനത്തിന്റെ പേരില്‍ പൊലീസ് അറസ്റ്റ് ചെയ്തത്. തുടര്‍ന്ന് ജയില്‍ അടച്ച്? ശിക്ഷ അനുഭവിച്ചു വരുമ്പോള്‍ ഇദ്ദേഹം രോഗബാധിതനായി മാറുകയായിരുന്നു. അസുഖം കൂടിയതോടെ ജയില്‍ അധികൃതര്‍ ജീസാന്‍ സബിയ ജനറല്‍ ആശുപത്രിയില്‍ ഇദ്ദേഹത്തെ പ്രവശിപ്പിച്ചെങ്കിലും മരണം സംഭവിക്കുകയായിരുന്നു.