ദുബായ് ലോട്ടറി; മലയാളിക്ക് 7.91 കോടി രൂപയുടെ ഒന്നാം സമ്മാനം

ദുബായ് ഡ്യൂട്ടി ഫ്രീ മില്ലേനിയം മില്യണെയര്‍ നറുക്കെടുപ്പില്‍ മലയാളിയായ കോശി വര്‍ഗീസിന് സമ്മാനം. ഒരു മില്യണ്‍ യു.എസ് ഡോളര്‍, കൃത്യമായി പറഞ്ഞാല്‍ 7,90,81,500 രൂപയാണ് സമ്മാനജേതാവിന് ലഭിക്കുക. സ്ഥിരം ദുബായ് നറുക്കെടുപ്പില്‍ ഭാഗ്യ പരീക്ഷിക്കുന്ന വ്യക്തിയാണ് 48 കാരനായ കോശി വര്‍ഗീസ്. 'വര്‍ഷങ്ങളായി ഭാഗ്യം പരീക്ഷിക്കുന്ന വ്യക്തിയാണ് ഞാന്‍. ഒടുവില്‍ ഭാഗ്യം തുണച്ചതില്‍ സന്തോഷമുണ്ട്'- കോശി പറഞ്ഞു. ദുബായ് ലോട്ടറിയില്‍ സമ്മാനം നേടുന്ന 195-ാം ഇന്ത്യന്‍ പൗരനാണ് കോശി വര്‍ഗീസ്. 1999 ലാണ് ദുബായ് മില്ലേനിയം മില്യണെയര്‍ ആരംഭിച്ചത്. ഏറ്റവും കൂടുതല്‍ സമ്മാനം കിട്ടുന്നതും മലയാളികള്‍ക്കാണ്. മില്ലേനിയം മില്യണെയര്‍ നറുക്കെടുപ്പിന് പിന്നാലെ നാല് അത്യാഡംബര വാഹനങ്ങള്‍ക്കായുള്ള നറുക്കെടുപ്പും നടന്നു. BMW X6 M50i വാഹനം സ്വന്തമാക്കിയത് 52 കാരനായ ഡച്ച് പൗരന്‍ സലാ അല്‍ അലിയണ്. ജിദ്ദയില്‍ താമസിക്കുന്ന കനേഡിയന്‍ പൗരന്‍ യൂസഫ് അല്‍ അബ്ബാസിന് Mercedes Benz AMG GT 43 യും, BMW R nine T ബൈക്ക് ഇന്ത്യക്കാരനായ അര്‍ജുന്‍ സിംഗിനും ലഭിച്ചു. ഇത് രണ്ടാം തവണയാണ് അര്‍ജുന് സമ്മാനം ലഭിക്കുന്നത്.