തൃശൂര്‍ പൂരം: എറണാകുളം ശിവകുമാര്‍ തെക്കേഗോപുര നട തുറക്കും

തൃശൂര്‍ പൂരത്തിന് ഇത്തവണയും എത്തുന്നത് എറണാകുളം ശിവകുമാര്‍. തീരുമാനം കൊച്ചിന്‍ ദേവസ്വം ബോര്‍ഡിന്റേതാണ് തീരുമാനം. നെയ്തലക്കാവ് ഭഗവതിയുടെ തിടമ്പേറ്റിയാണ് പൂര വിളംബരത്തിന് ശിവകുമാര്‍ തെക്കേഗോപുരവാതില്‍ തുറക്കുക. ഈ ചടങ്ങോടെയാണ് തൃശൂര്‍ പൂര ചടങ്ങുകള്‍ക്ക് തുടക്കമാകുന്നത്. കൊച്ചിന്‍ ദേവസ്വം ബോര്‍ഡിന്റെ ഏറ്റവും തലയെടുപ്പുള്ള ആനയാണ് എറണാകുളം ശിവകുമാര്‍. കേരളത്തിലെ നാടന്‍ ആനകളില്‍ തലയെടുപ്പുള്ള കൊമ്പനാണ് ശിവകുമാര്‍. പൂരത്തലേന്ന് നെയ്തലക്കാവ് ഭഗവതി തെക്കേ ഗോപുര വാതില്‍ തുറന്നിടുന്നതാണ് ചടങ്ങ്. പിറ്റേന്ന് കണിമംഗലം ശാസ്താവിന് ക്ഷേത്രത്തിലേക്ക് പ്രവേശിക്കാനാണ് ഇത്. പൂരത്തലേന്നത്തെ ഈ ചടങ്ങിന് വലിയ ജനപങ്കാളിത്തമാണ് ഉള്ളത്.