ഒമാന്‍ സുല്‍ത്താന്റെ ഖത്തര്‍ സന്ദര്‍ശനം; ഒപ്പിട്ടത് ആറു കരാറുകളില്‍

ഖത്തറുമായി ആറ് പ്രധാന കരാറുകളില്‍ ഒപ്പുവെച്ച് ഒമാന്‍. ഒമാന്‍ സുല്‍ത്താന്‍ ദ്വിദിന സന്ദര്‍ശനത്തിനായി ദോഹയിലെത്തിയ വേളയിലാണ് കരാറുകളില്‍ ധാരണയായത്. സൈനിക സഹകരണം, ടൂറിസം, നിക്ഷേപം, ടാക്‌സേഷന്‍, തൊഴില്‍, തുറമുഖം തുടങ്ങി ആറ് മേഖലകളിലാണ് ഇരു രാജ്യങ്ങളും കരാറുകളില്‍ ഒപ്പു വെച്ചത്. കടബാധ്യത പ്രശ്‌നങ്ങള്‍ നേരിടുന്ന ഒമാനെ സംബന്ധിച്ച് ഈ കരാറുകള്‍ പ്രധാനപ്പെട്ടതാണ്. രാജ്യത്തെ സാമ്പത്തിക രം?ഗത്തെ ശക്തിപ്പെടുത്താനായി സുല്‍ത്താന്‍ ഹൈതിം ബിന്‍ താരിഖ് അല്‍ സെയ്ദിന്റെ നേതൃത്വത്തില്‍ വിപുലമായ പരിഷ്‌കാരങ്ങളും ചെലവു ചുരുക്കല്‍ നടപടികളും നടന്നു വരികയാണ്. രണ്ട് വര്‍ഷം മുമ്പാണ് ഇദ്ദേഹം ഒമാന്‍ ഭരണാധികാരിയായി ചുമതലയേറ്റത്. കരാറുകളുടെ കൂടുതല്‍ വിവരങ്ങള്‍ പുറത്തു വിട്ടിട്ടില്ല. സാമ്പത്തിക പ്രതിസന്ധി തരണം ചെയ്യുന്നതുമായി ബന്ധപ്പെട്ട് മറ്റ് ?ഗള്‍ഫ് രാജ്യങ്ങളോട് സഹായമാവശ്യപ്പെട്ട് കൊണ്ടുള്ള ചര്‍ച്ചകള്‍ ഒമാന്‍ നടത്തുന്നണ്ടായിരുന്നു.