മത്‌സരിക്കാൻ ഇല്ലെന്ന് കോടിയേരി

നിയമസഭാ തിരഞ്ഞെടുപ്പിൽ തത്ക്കാലം മത്സരിക്കാനില്ലെന്ന് കൊടയേരി ബാലകൃഷ്ണൻ. ഇത് തന്റെ വ്യക്തിപരമായ തീരുമാനമാണ്. ബാക്കി പാർട്ടി പറയുമെന്നും കോടിയേരി പറഞ്ഞു.

നിയമസഭാ തിരഞ്ഞെടുപ്പിൽ രണ്ടു തവണ ജയിച്ചവർ മാറും. ചില ജയസാധ്യത നോക്കി പ്രത്യേക സാഹചര്യങ്ങളിൽ ചിലർക്ക് ഇളവ് നൽകേണ്ടി വരും . കഴിയുന്നത്ര പുതിയൊരു ടീമിനെ കൊണ്ടുവരാനാണ് ലക്ഷ്യമിടുന്നത്. അതിൽ യുവാക്കളും പ്രൊഫഷണലുകളും സെലിബ്രിറ്റികളും കാണുമെന്നും കോടിയേരി പറഞ്ഞു.

കോൺഗ്രസ് മുക്ത ഭാരതമല്ല, മതനിരപേക്ഷത നിലനിൽക്കുന്ന ഭാരതമാണ് സി പി എം ലക്ഷ്യമിടുന്നത്. കോൺഗ്രസുമായി സഹകരിക്കുന്ന സംസ്ഥാനങ്ങളിലെല്ലാം ബി ജെ പിയെ തോൽപ്പിക്കാനാണ് സി പി എമ്മിന്റെ ശ്രമം.

കേരളത്തിൽ കോൺഗ്രസ് അധികാരത്തിൽ വന്നാൽ ബി ജെ പിക്ക് അവരെ വിലയ്ക്കെടുക്കാനാകും. സംസ്ഥാനത്ത് സി പി എം തകർന്നാലേ ബി ജെ പിക്ക് രക്ഷയുളളൂ. പശ്ചിമബംഗാളിലും ത്രിപുരയിലും സി പി എം ക്ഷീണിച്ചപ്പോഴാണ് ബി ജെ പിക്ക് മുന്നേറാനായതെന്നും കോടിയേരി ബാലകൃഷ്ണൻ പറഞ്ഞു.