പി സി ജോർജ് പാലയിൽ യു ഡി എഫ് സ്വതന്ത്രൻ

യുഡിഎഫിനു പുറത്തുള്ള കക്ഷികളുമായി തിരഞ്ഞെടുപ്പ് ധാരണയിൽ എത്തുന്ന കാര്യം സംബന്ധിച്ച് യു ഡി എഫ് ചർച്ച വ്യാഴാഴ്ച രാത്രി കൊച്ചിയിൽ നടക്കും.
രമേശ് ചെന്നിത്തലയുടെ ഐശ്വര്യ കേരള യാത്ര എത്തുന്ന ദിവസമാണ് പ്രമുഖ നേതാക്കളെല്ലാവരും കൊച്ചിയിലെത്തുക. മുസ്‌ലിം ലീഗ്, കേരള കോൺഗ്രസ് ജോസഫ് വിഭാഗം തുടങ്ങിയ കക്ഷികളുമായുള്ള സീറ്റു വിഭജന ചർച്ചകളും, ട്വന്റി ട്വന്റി വി ഫോർ കൊച്ചി ജനപക്ഷം തുടങ്ങിയവരുമായുള്ള നിലപാടുകളും ഇതിൽ തീരുമാനിക്കും.
പൂഞ്ഞാറിനു പുറമേ ഒരു സീറ്റുകൂടി ആഭിച്ചാൽ വേണമെന്ന ആവശ്യം പി.സി. ജോർജ് യു ഡി എഫ് സ്വതന്ത്ര സ്ഥാനാർഥിയാക്കാമെന്നാണ് നിലവിൽ പി ജെ ജോസഫിന്റെ നിലപാട്. കാപ്പൻ വന്നില്ലങ്കിൽ പാലായിൽ ജോർജ് മൽസരിക്കും.

പത്തു ദിവസത്തിനകം സീറ്റു വിഭജനം സംബന്ധിച്ച ചർച്ചകൾ പൂർത്തിയാക്കാനാകുമെന്നാണ് യുഡിഎഫ് നേതൃത്വത്തിന്റെ പ്രതീക്ഷ. 12 സീറ്റ് എന്ന ആവശ്യത്തിൽ നിന്നു പിന്നോട്ടില്ലെന്ന നിലപാടിലാണ് പി.ജെ. ജോസഫ് ഉള്ളത്. അതേസമയം പാലാ സീറ്റു വിട്ടു നൽകുന്നതിൽ എതിർപ്പില്ലെന്നും ജോസഫ് വിഭാഗം വ്യക്തമാക്കിയിട്ടുണ്ട്. ഇതാണ് മാണി സി കാപ്പൻ, പി സി ജോർജ് എന്നിവർക്ക് പ്രതീക്ഷ നൽകുന്നത്.
കേരള കോൺഗ്രസിന് ഒമ്പതു സീറ്റിൽ കൂടുതൽ നൽകാനാവില്ലെന്ന നിലപാടാണ് കോൺഗ്രസിനുള്ളത്. കോൺഗ്രസ് കൂടുതൽ സീറ്റുകളിൽ സ്ഥാനാർഥികളെ മൽസരിപ്പിക്കാനുള്ള നീക്കവും നടത്തുന്നുണ്ട്.

2016ൽ കേരള കോൺഗ്രസ് എം 15 സീറ്റുകളിൽ മൽസരിച്ചപ്പോൾ ജനതാദൾ 7 സീറ്റുകളിൽ മൽസരിച്ചിരുന്നു. കോൺഗ്രസ് 87 സീറ്റുകളിലും മുസ്‌ലിം ലീഗ് 24 സീറ്റുകളിലും ആർഎസ്പി അഞ്ചു സീറ്റുകളിലും ജേക്കബ് ഗ്രൂപ്പും സിഎംപിയും ഓരോ സീറ്റുകളിലും മൽസരിച്ചിരുന്നു.