സീറ്റ് വിവരങ്ങൾ പുറത്തുപോയാൽ നടപടി എന്ന് ഗലോട്ട്

കോൺഗ്രസ് യു ഡി എഫ് സീറ്ു ചർച്ചകൾ സംബന്ധിച്ച്‌വിവരങ്ങൾ പുറത്തുപോയാൽ കർശന നടപടി ഉണ്ടാകുമെന്ന് അശോക് ഗലോട്ട്. 'മാധ്യമ പിന്തുണ'യോടെ നടക്കുന്ന സീറ്റ് ചർച്ച ഇത്തവണ വേണ്ടെന്നാണ് കോൺഗ്രസ് തീരുമാനം. മത്സരിക്കുന്ന സീറ്റ്, എണ്ണം, വച്ചുമാറ്റം ഇതെല്ലാം സംബന്ധിച്ചുള്ള ആശയ വിനിമയം രഹസ്യമായി സൂക്ഷിക്കണമെന്നും ഹൈക്കമാന്റ് ആവശ്യപ്പെട്ടു.

നിയമസഭാ തിരഞ്ഞെടുപ്പ് സീറ്റ് വിഭജനം നേരത്തെ പൂർത്തീകരിക്കണം എന്ന നിലപാടിലാണ ഗലോട്ട്.

പ്രതിപക്ഷ നേതാവ് രമേശ് ചെന്നിത്തലയുടെ നേതൃത്വത്തിലുള്ള 'ഐശ്വര്യ കേരള യാത്രയ്ക്ക്' മുൻപു തന്നെ ഇതു സംബന്ധിച്ച ഒരു ഘട്ടം പൂർത്തിയാക്കണമെന്ന് രാജസ്ഥാൻ മുഖ്യമന്ത്രി അശോക് ഗെലോട്ടിന്റെ നേതൃത്വത്തിലുള്ള കോൺഗ്രസ് ഹൈക്കമാൻഡ് പ്രതിനിധി സംഘത്തിന്റെ തീരുമാനം.

ഗെലോട്ട്, സഹ നിരീക്ഷകരായ ഗോവ മുൻ മുഖ്യമന്ത്രി ലുസീഞ്ഞോ ഫെലീറോ, കർണാടക മുൻ ഉപമുഖ്യമന്ത്രി ജി.പരമേശ്വര എന്നിവരർ ഘടകകക്ഷി നേതാക്കളുമായി ആശയവിനിമയം നടത്തിയപ്പോഴും ഇക്കാര്യം അറിയിച്ചു. സീറ്റു ചർച്ചയുടെ പേരിൽ പരസ്യ വിഴുപ്പലക്കൽ അരുതെന്ന കോൺഗ്രസ് നിർദേശം ഘടകകക്ഷികൾ അംഗീകരിച്ചു.