മോൻസിനെ വെട്ടാൻ അപ്പു, ഫ്രാൻസിസ് ജോർജ് കളം പിടിച്ചു

പി ജെ ജോസഫിന്റെ മനസാക്ഷി എന്ന നിലയിൽ പാർട്ടിയിൽ അപ്രമാധിപത്യം നേടിയിരുന്ന മോൻസ് ജോസഫിനെ വെട്ടി ഒതുക്കാനുള്ള ഫ്രാൻസിസ് ജോർജ് സംഘത്തിന്റെ നീക്കം ആദ്യഘാത്തിൽ വിജയം നേടി.
പി ജെ യുടെ അനുഗ്രഹത്തോടെ മകനെ മോൻസിന്റെ തട്ടകമായ കോട്ടയത്തുതന്നെ ഇന്നലെ കളത്തിലിറക്കി. ആ പരിപാടിയിൽ നിന്ന് മോൻസ് അകന്നു നിൽക്കുകയും ചെയ്തു. കർഷക സമരവേദിയിലാണ് മകൻ അപ്പു എത്തിയത്. നിലവിൽ പാട്ടി ഹൈപ്പവർ കമ്മിററി അംഗമാണ് മകൻ.
ജോയി എബ്രഹാം, ജോൻി നെല്ലൂർ, വക്കച്ചൻ മറ്റത്തിൽ എന്നിവരെല്ലാം മകനൊപ്പമാണ്. പുതിയ പാർട്ടിയിൽ വൈസ് ചെയർമാൻ പദവിയിൽ മകൻ എത്തിയേക്കുമെന്നാണ് സൂചന. കോട്ടയം ആസ്ഥാനമാക്കിയുള്ള പുതിയ പാർട്ടി രൂപീകരണം ഫെബ്രുവരിയിൽ തന്നെയുണ്ടാകുമെന്നാണ് സൂചന. ചെണ്ടയായിരിക്കും പാർട്ടി ചിഹ്നമെന്ന് ജോസഫ് കഴിഞ്ഞ ദിവസം പ്രഖ്യാപിച്ചിരുന്നു.
കേരളാകോൺഗ്രസിന്റെ സീറ്റുകളിൽ കണ്ണു വെച്ച് കോൺഗ്രസ് നീക്കം സജീവമായി. ഇതിനടെ വിട്ടു വീഴ്ച്ച ഇല്ലെന്ന് പിജെ ജോസഫിന്റെ പാർട്ടി പറയുന്നു. കഴിഞ്ഞ തവണ മത്സരിച്ച മുഴൂവൻ സീറ്റുകളും വേണമെന്ന അവകാശവാദം ജോസഫും തുടങ്ങി.

കഴിഞ്ഞ തവണ മത്സരിച്ച 15 സീറ്റുകൾ തന്നെ ഇത്തവണയും വേണമെന്നാണ് ജോസഫിന്റെ ആവശ്യം. ജോസ് കെ മാണിയുമായി തെറ്റിപ്പിരിഞ്ഞതിന് പിന്നാലെ കേരളാകോൺഗ്രസിലെ ഒട്ടുമിക്ക നേതാക്കളും ജോസഫിന്റെ പാളയത്തിലേക്ക് പോന്നിരുന്നു. ഇവരെല്ലാം തന്നെ തെരഞ്ഞെടുപ്പ് അടുത്തതോടെ സീറ്റുമോഹവുമായി എത്തിയിരിക്കുകയാണ്. ജോണി നെല്ലൂരും ജോസഫ് എം പുതുശ്ശേരിക്കും ജോയ് ഏബ്രഹാമിനുമെല്ലാം സീറ്റുകൾ കണ്ടുപിടിക്കേണ്ട സ്ഥിതിയുണ്ട്.

കേരളാകോൺഗ്രസിന് മുൻതൂക്കം ഉണ്ടായിരുന്ന ചങ്ങനാശ്ശേരി, പാലാ, ഏറ്റുമാനൂർ സീറ്റുകൾ ഏറ്റെടുക്കാനാണ് ഉദ്ദേശം. എന്നാൽ സിഎഫ് തോമസിന് ശേഷം ചങ്ങനാശ്ശേരിയിൽ താൽപ്പര്യം പ്രകടിപ്പിച്ച് ജോസഫ് വിഭാഗത്തിലുള്ളത് നാലു നേതാക്കളാണ്.

മൂവാറ്റുപുഴയിൽ മത്സരിക്കാൻ ജോസഫ് വാഴയ്ക്കനും ജോണി നെല്ലൂരും താൽപ്പര്യം പ്രകടിപ്പിച്ചിട്ടുണ്ട്. ഇടുക്കിയിൽ റോഷി അഗസ്റ്റിനെതിരേ ഫ്രാൻസിസ് ജോർജ്ജിനെ പരിഗണിച്ചേക്കും. മലബാറിലെ വിജയപ്രതീക്ഷ കുറഞ്ഞ സീറ്റുകൾ കോട്ടയത്തിന് പകരമായി വിട്ടുനൽകാനാണ് കേരളാ കോൺഗ്രസിന്റെ നീക്കം. മകൻ അപുവിനെ ഇത്തവണ നിയമസഭാ തെരഞ്ഞെടുപ്പിൽ മകനെ നേരിട്ടിറക്കേണ്ട എന്ന നിലപാടിലാണ് പിജെ ജോസഫ്.

ഫെബ്രുവരി 15 ന് മുൻപ് പാർട്ടിയിൽ പുനഃസംഘടന നടക്കും. അപു മത്സരിക്കണമെന്ന ആവശ്യം പാർട്ടിയിൽ ഉയർന്നിട്ടുണ്ട്. എപാർട്ടി പദവിയാണ് ആദ്യഘട്ടത്തിൽ ലക്ഷ്യമിടുന്നത്.