അഴിമതിക്കെതിരെ ശക്തവും കര്‍ശനവുമായ പോരാട്ടം തുടര്‍ന്ന്​ സൗദി ഭരണകൂടം; മുന്‍ ജഡ്​ജിയടക്കം നിരവധി പേര്‍ സൗദിയില്‍​ അഴിമതി കേസില്‍ പിടിയില്‍

ജിദ്ദ: അഴിമതിക്കെതിരെ ശക്തവും കര്‍ശനവുമായ പോരാട്ടം തുടര്‍ന്ന്​ സൗദി ഭരണകൂടം. സാമ്പത്തിക ക്ര​മക്കേടും അഴിമതിയും കൈക്കൂലിയുമായി ബന്ധപ്പെട്ട കുറ്റകൃത്യങ്ങളിലേര്‍പ്പെട്ട് മുന്‍ ജഡ്​ജിയും നിരവധി സര്‍ക്കാര്‍​ ഉദ്യോഗസ്ഥരും സര്‍വിസില്‍നിന്ന്​ വിരമിച്ചവരും വിദേശികളും ഉള്‍പ്പെടെ നിരവധി​ പേര്‍ പിടിയിലായി. ആരോഗ്യ മന്ത്രാലയത്തിലെ 24 ജീവനക്കാര്‍, കാലാവസ്ഥ വകുപ്പിലെ 15 ജീവനക്കാര്‍, മുനിസിപ്പല്‍ ​ഗ്രാമകാര്യാലയത്തിലെ 14 ജീവനക്കാര്‍, സര്‍വകലാശാലയിലെ രണ്ട്​ ഫാക്കല്‍റ്റി അംഗങ്ങള്‍, മെഡിക്കല്‍ മാലിന്യ സംസ്​കരണ കമ്ബനിയിലെ 16 ജീവനക്കാര്‍ എന്നിവര്‍ ദശലക്ഷക്കണത്തിന്​ റിയാലി​െന്‍റ തട്ടിപ്പില്‍ പങ്കാളികളെന്ന നിലയിലായത്​ പിടിയിലായത്​.

മുന്‍ ജഡ്​ജി ത​െന്‍റ സേവനകാലത്ത്​ വിധി പുറപ്പെടുവിച്ചതിന്​ ഉപഹാരമായി ആഡംബര വാഹനം കൈപ്പറ്റിയ കേസിലാണ് നടപടി നേരിടുന്നത്​​. യാത്രാ ടിക്കറ്റുകള്‍, ഹോട്ടല്‍ റിസര്‍വേഷനുകള്‍, വ്യക്തിഗത ഉപയോഗത്തിന്​ കാറുകള്‍ എന്നിവ കൈക്കൂലിയായി കൈപ്പറ്റി, സ്വന്തം ബന്ധുക്കളെ ചട്ടം ലംഘിച്ച്‌​ കമ്പനികളില്‍ നിയമിച്ചു തുടങ്ങിയവയാണ്​ ഇവര്‍ക്കെതിരായ കേസുകള്‍. ഒരു പ്രതിയെ രക്ഷപ്പെടുത്താന്‍ ഇയാള്‍ അവിഹിതമായി ഇടപെട്ടു എന്ന കേസുമുണ്ട്​. ഇൗ പ്രതിക്കെതിരായ മൂന്ന്​ കോടതി വിധികള്‍ ഇൗ ജഡ്​ജി റദ്ദാക്കുകയും പ്രതിക്ക്​ ജയില്‍മോചിതനാകാന്‍ സൗകര്യമൊരുക്ക​ുകയും ചെയ്​തു.

പ്രതിരോധ മന്ത്രാലയത്തിന്​ കീഴിലുള്ള ഒരു ആശുപ്രതിയില്‍ നിന്ന് ശരീര വളര്‍ച്ചക്ക്​ സഹായിക്കുന്ന 45 ഹോര്‍മോണ്‍ ഇഞ്ചക്ഷന്‍​ മറിച്ചുനല്‍കി​ 12,000 റിയാല്‍ കൈക്കൂലി വാങ്ങിയതിനാണ്​ ആരോഗ്യ ജീവനക്കാരിയായ സ്വദേശി വനിതയും ഫാര്‍മസി ഉടമയും മറ്റൊരു അറബ്​ പൗരനും അറസ്​റ്റിലായത്​​. സ്വദേശി പൗരനില്‍ നിന്ന്​ 20,000 റിയാല്‍ കൈക്കൂലി വാങ്ങി അവിഹിത ഇടപാട്​ നടത്തിക്കൊടുത്തതിനാണ്​ ട്രാഫിക് ഉദ്യോഗസ്ഥന്‍ പിടിയിലായത്​. തെറ്റായ രേഖകള്‍ ഉപയോഗിച്ചുള്ള സാമ്പത്തിക ഫണ്ടിങ്ങിന്​ കൈക്കൂലിയായി 1,29,800 റിയാല്‍ ഒരു സ്വദേശി പൗരനില്‍ നിന്ന്​ കൈപ്പറ്റിയതിനാണ്​ സൗദി ​സെ​ന്‍ട്രല്‍ ബാങ്ക്​ ഉദ്യോഗസ്ഥന്‍ ജയിലിലായത്​. ജോലി ചെയ്യുന്ന കമ്പനിയുടെ താമസ കേന്ദ്രം നീക്കം ചെയ്യുന്നതിനുള്ള സമയപരിധി സിവില്‍ ഡിഫന്‍സ്​ ഡയക്​ടറേറ്റില്‍ നിന്ന്​ നീട്ടിച്ചതിന്​ 5000 റിയാല്‍ കൈക്കൂലി നല്‍കിയ കേസില്‍ ഒരു അറബ്​ പൗരനാണ്​ പിടിയിലായത്​. കോടതിയില്‍ കേസി​െന്‍റ വാദം കേള്‍ക്കല്‍ തീയതി നിശ്ചയിക്കുന്നതിന് 15,000 റിയാല്‍ കൈക്കൂലി വാങ്ങിയ​ കോടതി സൂപര്‍വൈസറാണ് പിടിയിലായ മറ്റൊരാള്‍.

നേരത്തെ, അഴിമതി കേസുകളില്‍ നിരവധി പേര്‍ പിടിയിലാവുകയും കോടതി ശിക്ഷ വിധിക്കുകയും ചെയ്​തിരുന്നു. പൊതുമുതല്‍ ​ൈകയ്യേറുന്നവരെയും വ്യക്തിതാല്‍പര്യത്തിന്​ ഒൗദ്യോഗിക പദവികള്‍ ദുരുപയോഗം ചെയ്യുന്നവരെയും പൊതുതാല്‍പര്യത്തിന്​ ഹാനികരമാകും വിധത്തില്‍ പ്രവര്‍ത്തിക്കുന്നവരെയും നിരീക്ഷിക്കുന്നതും പിടികൂടുന്നതും തുടരുമെന്ന്​ അഴിമതി വിരുദ്ധ അതോറിറ്റി വ്യക്​തമാക്കി. ജോലിയില്‍ നിന്ന്​ വിരമിച്ചവരെയും പിടികൂടും. റിട്ടയര്‍മെന്‍റ്​ കാലത്ത്​ നടത്തുന്ന സാമ്ബത്തികവും ഭരണപരവുമായ അഴിമതിയും നടപടികളുടെ പരിധിയില്‍ വരുമെന്ന്​ അതോറിറ്റി വ്യക്തമാക്കി.