ഇസ്താംബുളില്‍ പ്രായപൂര്‍ത്തിയാവാത്ത കുട്ടികളെ ബലാല്‍സംഗം ചെയ്ത കേസ്: മുസ്ലിം മത പ്രഭാഷകനും സംഘത്തിനും കഠിന തടവ് വിധിച്ചു

ഇസ്താംബുള്‍: പ്രായപൂര്‍ത്തിയാകാത്ത കുട്ടികളെ ബലാല്‍സംഗം ചെയ്ത കേസില്‍ മുസ്ലിം മതപ്രഭാഷകന്‍ മുസ്ലീം ടെലിവിഷന്‍ മതപ്രഭാഷകന്‍ അദ്‌നാന്‍ ഒക്തര്‍ക്കും തുര്‍ക്കിഷ് കോടതി 1,075 വര്‍ഷത്തെ കഠിന തടവ് വിധിച്ചു. ലൈംഗീക പീഡനത്തിന് പുറമേ ഇയാള്‍ക്കെതിരെ ചാരപ്രവര്‍ത്തനവും ഉള്‍പ്പട്ട കേസിലാണ് തടവ് ശിക്ഷ. ക്രിമിനല്‍ സംഘം രൂപീകരിക്കുക, രാഷ്ട്രീയ, സൈനിക ചാരവൃത്തിയില്‍ ഏര്‍പ്പെടുക, പ്രായപൂര്‍ത്തിയാകാത്ത കുട്ടികളെ ലൈംഗികമായി ദുരുപയോഗം ചെയ്യുക, ബലാത്സംഗം ചെയ്യുക, ബ്ലാക്ക് മെയില്‍ ചെയ്യുക, പീഡിപ്പിക്കുക എന്നീ പത്തോളം കുറ്റങ്ങള്‍ ചുമത്തിയാണ് ശിക്ഷ വിധിച്ചത്.

വിവാദ മുസ്ലീം പുരോഹിതന്‍ ഫെത്തുല്ല ഗുലന്റെ നേതൃത്വത്തിലുള്ള സംഘവുമായി ബന്ധം പുലര്‍ത്തിയതും ഇയാളുടെ കുറ്റകൃത്യങ്ങളുടെ പട്ടികയില്‍ ഉള്‍പ്പെടുത്തിയിട്ടുണ്ട്. സ്ത്രീകള്‍ക്ക് മുന്നില്‍ മതക്ലാസുകള്‍ സ്വകാര്യ ടെലിവിഷന്‍ ചാനല്‍ വഴി നല്‍കി വന്നിരുന്ന മത പ്രഭാഷകനാണ് ഒക്തര്‍. ഇയാളോടൊപ്പം സംഘാംഗങ്ങളായ 13 പേര്‍ക്കും കോടതി ശിക്ഷ വിധിച്ചിട്ടുണ്ട്. വിധിയുടെ പശ്ചാത്തലത്തില്‍ താന്‍ ഗൂഢാലോചനയുടെ ഇരയാണെന്ന് പറഞ്ഞ ഒക്തര്‍ വിധിന്യായത്തിനെതിരേ അപ്പീല്‍ പോകുമെന്നും അറിയിച്ചു.