ഇടുക്കിയില്‍ പതിനാലുകാരിയെ ഗര്‍ഭിണിയാക്കി പതിനാറുകാരന്‍

തൊടുപുഴ : 16 വയസുകാരന്‍ 14 വയസ്സസുകാരിയെ പീഡിപ്പിച്ച് ഗര്‍ഭിണിയാക്കി. ഇടുക്കി കമ്പംമേട് പൊലീസ് സ്റ്റേഷന്‍ പരിധിയിലാമ് സംഭവം നടന്നത്. ബന്ധുവായ പെണ്‍കുട്ടിയെയാണ് കൗമാരക്കാരന്‍ പീഡിപ്പിച്ചത്. പൊലീസ് അന്വേഷണം തുടങ്ങിയിട്ടുണ്ട്. ഓണ്‍ലൈന്‍ ക്ലാസിന്റെ മറവില്‍ അശ്ലീല സന്ദേശങ്ങളയച്ച് ബന്ധുവായ പെണ്‍കുട്ടിയുമായി മാസങ്ങളായി കൗമാരക്കാരന്‍ ലൈംഗിക ബന്ധം തുടരുകയായിരുന്നു.

മാതാപിതാക്കള്‍ തോട്ടം പണികള്‍ക്ക് പോകുന്ന സമയത്താണ് തുടര്‍ച്ചയായുള്ള പീഡനം നടന്നതെന്ന് പൊലീസ് പറഞ്ഞു. വയറുവേദനയെ തുടര്‍ന്ന് പെണ്‍കുട്ടിയെ ആശുപത്രിയിലെത്തിച്ചപ്പോഴാണ് ഗര്‍ഭിണിയാണെന്ന് മനസിലായത്. ബന്ധുക്കളുടെ പരാതിയെ തുടര്‍ന്ന് കമ്ബംമേട് പൊലീസ് കേസെടുത്തു. 16 കാരനെതിരെ പോക്‌സോ വകുപ്പാണ് ചുമത്തിയത്. കൗമാരക്കാരനെ ജുവനൈല്‍ കോടതിയില്‍ ഹാജരാക്കും. സമാനമായ രീതിയില്‍ പീഡനം നടന്നതിന് കഴിഞ്ഞ മാസവും മേഖലയില്‍ കേസെടുത്തിരുന്നു.