സംസ്ഥാനത്ത് കോവിഡിനെത്തുടര്‍ന്ന് പൂട്ടിയ അങ്കണവാടികള്‍ തുറക്കാന്‍ തീരുമാനം

തിരുവനന്തപുരം: കോവിഡിനെത്തുടര്‍ന്ന് പൂട്ടിയ കേരളത്തിലെ 33,000 ഓളം അങ്കണവാടികള്‍ തുറക്കാന്‍ തീരുമാനം. ഡിസംബര്‍ 21 മുതല്‍ പ്രവര്‍ത്തനം പുനരാരംഭിക്കും. കുട്ടികള്‍ വരേണ്ടതില്ലെങ്കിലും ടീച്ചര്‍മാരും ഹെല്‍പ്പര്‍മാരും ഉള്‍പ്പെടെ 70,000 ഓളം ജീവനക്കാര്‍ എത്തണം.

കുട്ടികള്‍ക്കും മുലയൂട്ടുന്ന അമ്മമാര്‍ക്കും ഗര്‍ഭിണികള്‍ക്കുമുള്ള പോഷകാഹാരങ്ങള്‍ അതത് അങ്കണവാടികളില്‍ നിന്ന് ഗുണഭോക്താക്കളുടെ വീട്ടിലേക്ക് കൊടുക്കണം. രക്ഷിതാക്കള്‍ അങ്കണവാടികളിലെത്തി അത് കൈപ്പറ്റുന്ന രീതി തുടരണമെന്നാണ് ഉത്തരവ്. അതിനിടെ അങ്കണവാടികള്‍ക്ക് പഞ്ചായത്തുകള്‍ നല്‍കുന്ന വിഹിതം കൃത്യമായി ലഭിക്കുന്നില്ലെന്ന് ആക്ഷേപമുയര്‍ന്നു. പഞ്ചായത്തുകളുടെ സാമ്ബത്തിക പ്രതിസന്ധിയാണ് കാരണം. ഒരു പഞ്ചായത്ത് വര്‍ഷം ശരാശരി 30 മുതല്‍ 50 ലക്ഷം രൂപവരെ അങ്കണവാടികള്‍ക്ക് വിഹിതം നല്‍കേണ്ടതുണ്ട്.