തദ്ദേശതിരഞ്ഞെടുപ്പ് പരാജയം; വീണ്ടും രാഷ്ട്രീയകാര്യ സമിതി യോഗം ചേരാനൊരുങ്ങി യുഡിഎഫ്

തിരുവനന്തപുരം : സംസ്ഥാനത്തെ തദ്ദേശ തിരഞ്ഞെടുപ്പില്‍ യുഡിഎഫിനേറ്റ തോല്‍വി വിലയിരുത്താന്‍ വീണ്ടും രാഷ്ട്രീയകാര്യ സമിതി ചേരാന്‍ തീരുമാനം. രണ്ടു ദിവസം നീണ്ടു നില്‍ക്കുന്ന യോഗമാണ് ചേരുന്നത്. നേതാക്കള്‍ നേരിട്ട് യോഗത്തില്‍ പങ്കെടുക്കണമെന്നാണ് നിര്‍ദേശം.

ജനുവരി 6, 7 തിയതികളിലാണ് യോഗം നടക്കുക. മറ്റന്നാള്‍ ജില്ലയുടെ ചുമതലയുള്ള ജനറല്‍ സെക്രട്ടറിമാര്‍ ഓരോ ജില്ലയിലേയും റിപ്പോര്‍ട്ട് നല്‍കണം. തദ്ദേശ തെരഞ്ഞെടുപ്പിലെ യുഡിഎഫ് പ്രകടനവും തോല്‍വിയും വിലയിരുത്താന്‍ ഇന്ന് രാഷ്ട്രീയകാര്യ സമിതി യോ?ഗം ചേര്‍ന്നിരുന്നു. സ്ഥാനാര്‍ത്ഥി നിര്‍ണയം ഗ്രൂപ്പ് അടിസ്ഥാനത്തില്‍ ആയിരുന്നുവെന്ന് യോഗത്തില്‍ വി.എം സുധീരന്‍ പറഞ്ഞു. പരമ്പരാഗത വോട്ട് ബാങ്കില്‍ ചോര്‍ച്ച ഉണ്ടായെന്നും സുധീരന്‍ പറഞ്ഞു.ഇതിന് പിന്നാലെയാണ് കെപിസിസിയുടെ മുഴുവന്‍ ഭാരവാഹികളും ജനപ്രതിനിധികളും പങ്കെടുക്കുന്ന യോഗം വിളിക്കാന്‍ തീരുമാനിച്ചത്.