ജനവിധി തേടി അമ്മയും മകളും: ബ്ലോക്കില്‍ അമ്മയും പഞ്ചായത്തില്‍ മകളും

പത്തനംതിട്ടയില്‍ ജനവിധി തേടി അമ്മയും മകളും. 69ാം വയസ്സില്‍ ഇലന്തൂര്‍ ബ്ലോക്ക് പഞ്ചായത്ത് മുല്ലപ്പുഴശ്ശേരി ഡിവിഷനില്‍ വത്സമ്മ മാത്യു ജനവിധി തേടുമ്പോള്‍, 49കാരിയായ മകള്‍ നീന മാത്യു മല്ലപ്പള്ളി കോട്ടാങ്ങല്‍ ഗ്രാമപഞ്ചായത്തിലെ ഏഴാം വാര്‍ഡില്‍ മത്സരിക്കുന്നു. അമ്മ സിപിഐ ആണെങ്കില്‍ മകള്‍ സിപിഎം ആണെന്ന വ്യത്യാസം മാത്രം. ആറന്മുള കുന്നാട്ടുകര്‍ തടത്തില്‍ വീട്ടില്‍ വത്സമ്മ 1982 മുതല്‍ മത്സര രംഗത്തുണ്ട്. കോഴഞ്ചേരി ഗ്രാമപഞ്ചായത്തംഗമായി ആദ്യ വിജയം. 1990 ജില്ലാ പഞ്ചായത്തിലേക്ക് മത്സരിച്ചെങ്കിലും 13 വോട്ടിന് പരാജയപ്പെട്ടു.1995 മുതല്‍ 2000 വരെ ഇലന്തൂര്‍ ബ്ലോക്ക് പഞ്ചായത്തിന്റെ പ്രസിഡന്റായിരുന്നു. 2005ലും 2015 ലും ഇലന്തൂര്‍ ബ്ലോക്കില്‍ മല്ലപ്പുഴശ്ശേരി ഡിവിഷനെ പ്രതിനിധീകരിച്ചു. സിപിഐ ജില്ലാ കമ്മിറ്റി അംഗവും മഹിളാ സംഘത്തിന്റെ നേതാവുമായ വത്സലയുടെ മകള്‍ ലീന മാത്യുവിനെ വിവാഹം കഴിച്ചത് സിപിഎം പ്രവര്‍ത്തകനായ മല്ലപ്പള്ളി കോട്ടാങ്ങല്‍ സ്വദേശി തെങ്ങുംപള്ളി വീട്ടില്‍ ബാബു വര്‍ഗീസാണ്. ഇതോടെ നീന സിപിഎമ്മില്‍ എത്തി. കോട്ടാങ്ങല്‍ പഞ്ചായത്തിലെ ഏഴാം വാര്‍ഡ് സ്ത്രീ സംവരണമായപ്പോള്‍ നീനയെ പാര്‍ട്ടി ചുമതലപ്പെടുത്തുകയായിരുന്നു. അമ്മയുടെയും മകന്റെയും തെരഞ്ഞെടുപ്പ് പ്രവര്‍ത്തനങ്ങളുടെ ഭാഗമായിട്ടുണ്ടെങ്കിലും നീന മാത്യുവിന് ഇത് കന്നി പോരാട്ടമാണ്