വേണുഗോപാല്‍ വീണില്ല പുതിയ സമവായക്കാരനെ തേടി ചെന്നിത്തല

രാഹുഗാന്ധിയെ പത്രസമ്മേളനത്തില്‍ പരസ്യമായി എതിര്‍ത്ത പ്രശ്‌നത്തില്‍ സമവായ സാധ്യതതേടി ചെന്നിത്തല നീക്കം. തുടങ്ങിണ ഏറെക്കാലമായി അകന്നു നിന്നിരുന്ന കെസി വേണുഗോപാലിനെ കെ സുധാകരന്റെ മധ്യസ്ഥതയില്‍ കണ്ട് കേന്ദ്രത്തിന്റെ അനിഷ്ടം ഒതുക്കാനായിരുന്നു ശ്രമം.
എന്നാല്‍ തല്‍ക്കാലം ചെന്നിത്തലയുടെ വക്കാലത്ത് ഏറ്റെടുത്ത് തന്റെ ഇമേജ് കളയാനില്ല എന്ന നിലപാടിലാണ് വേണുഗോപാല്‍ സ്വീകരിച്ചതെന്നാണ് പുറത്തുവരുന്ന വിവരം. ഹൈക്കമാന്റ് കടുത്ത അതൃപ്തിയാണ് ചെന്നിത്തലയുടെ കാര്യത്തില്‍ പ്രകടിപ്പിച്ചിരിക്കുന്നത്.

കെപിസിസി പ്രസിഡന്റ് മുല്ലപ്പള്ളി രാമചന്ദ്രന്‍ ഉള്‍പ്പെടെയുള്ളവര്‍ ചെന്നിത്തലയുടെ അപക്വമായ പ്രതികരണം ദേശീയ നേതൃത്വത്തിന്റെ ശ്രദ്ധയില്‍പ്പെടുത്തി. കോണ്‍ഗ്രസില്‍ ഒറ്റപ്പെട്ടതോടെയാണ് വേണുഗോപാലിന്റെ സഹായം തേടിയത്.
ഐ ഗ്രൂപ്പ് നേതാക്കളില്‍ ചിലരുമായി മാത്രം വിവരം കൈമാറിയാണു രമേശ് ഇന്നലെ പുലര്‍ച്ചെ കണ്ണൂര്‍ ഗെസ്റ്റ് ഹൗസിലെത്തിയത്. ഇവിടെനിന്നു സുധാകരനൊപ്പം വേണുഗോപാലിന്റെ വീട്ടിലെത്തുകയായിരുന്നു. ഒരു മണിക്കൂറോളം മൂന്നു പേരും മാത്രമായി ചര്‍ച്ച നടത്തി.