എ കെ ആന്റണിയെ തള്ളി ജോസ് കെ മാണി

കേരള കോണ്‍ഗ്രസും യു ഡി എഫും തമ്മിലുള്ള പ്രശ്‌നം പരിഹരിക്കാന്‍ എ കെ ആന്റണി മുന്നോട്ടുവച്ച ഒത്തുതീര്‍പ്പ് ഫോര്‍മുല ജേസ് വിഭാഗം തള്ളി. കോണ്‍ഗ്രസിന്റെ സഹയാത്രികനെപോലെ കേരള കോണ്‍ഗ്രസില്‍ തുടരുന്ന ജോസഫ് എം പുതുശേരി വഴിയായിരുന്നു ആന്റണിയുടെ നീക്കങ്ങള്‍. തുടര്‍ന്ന് ജോസ് കെ മാണിയുമായി നേരിട്ടായിരുന്നു ചര്‍ച്ച. നിയമസഭാ സീറ്റ്, തദ്ദേശസ്വയംഭരണ സ്ഥാനങ്ങളിലെ സീറ്റ് കാര്യത്തല്‍ പഴയ രീതി തുടരണം എന്ന് നിലപാടാണ് ജോസ് കെ മാണി മുന്നോട്ടുവച്ചത്. കെ എം മാണിയുടെ കാലത്ത് മാണി ഗ്രൂപ്പിന് ഉണ്ടായിരുന്നു എല്ലാ സീറ്റുകളും അവര്‍ക്ക് നല്‍കുക. മാണി ജോസഫിന് നല്‍കിയ സീറ്റുകള്‍ അവര്‍ക്ക് നല്‍കുക. ഇത് കോണ്‍ഗ്ഡ്ഡ് അംഗീകരിച്ചാല്‍ സി എഫ് തോമസ് അടക്കം മറുകണ്ടം ചാടിയവര്‍ക്ക് സീറ്റ് ഇല്ലാത്ത സ്ഥിതിവരും. തല്‍ക്കാലം ജില്ലാ പഞ്ചായത്ത് രാജവിവെച്ച് മുന്നണിയെ രക്ഷിക്കുക, സീറ്റ് കാര്യങ്ങള്‍ ഹൈക്കമാന്റിന്റെ സാന്നിധ്യത്തില്‍ ചര്‍ച്ച ആകാം എന്ന് ആന്റണിയും നിര്‍ദേശം നല്‍കി. മുന്നണിയിലെ ക്കരു പാര്‍ട്ടിയുടെ കാര്യത്തില്‍ യു പി എ നേതൃത്വം ഇടപെടില്ല എന്ന് അറിവ് ലഭിച്ചതനെ തുടര്‍ന്ന് അതിന് ജോസ് കെ മാണി വഴങ്ങിയില്ല. ഇതിനെ തുടര്‍ന്നാണ് താന്‍ പ്രശ്‌നത്തില്‍ ഇടപെട്ടിട്ടില്ല എന്ന പ്രസ്ഥാവനയുമായി ആന്റണി ഇന്നലെ രംഗത്തു വന്നത്. കുഞ്ഞാലിക്കുട്ടിയും. ഉമ്മന്‍ചാണ്ടിയുമാണ് ആന്റണിയുടെ മുന്നില്‍ പ്രശ്‌നങ്ങള്‍ എത്തിച്ചത്് . മുല്ലപ്പള്ളിയെ പിണക്കുന്ന ക്കരു തീരുമാനത്തിന് തല്‍ക്കാലം താനില്ല എന്ന നിലപാടും ഇക്കാര്യത്തില്‍ ആന്റണിക്കുണ്ട്.