ഓഖി: രക്ഷാപ്രവര്‍ത്തനത്തിന്റെ കേന്ദ്രം കൊച്ചിയിലേക്ക് മാറ്റുന്നു

; 32 പേര്‍ ലക്ഷദ്വീപില്‍ എത്തി Ockhi cyclone തിരുവനന്തപുരം: ഓഖി ചുഴലിക്കാറ്റുമായി ബന്ധപ്പെട്ട രക്ഷാപ്രവര്‍ത്തനത്തിന്റെ ആസ്ഥാനം കൊച്ചിയിലേക്ക് മാറ്റുന്നു. ഇതുവരെ തിരുവനന്തപുരം നാവികസേനയുടെ ടെക്‌നിക്കല്‍ മേഖല കേന്ദ്രീകരിച്ച് നടന്ന രക്ഷാപ്രവര്‍ത്തനമാണ് കൊച്ചിയിലേക്ക് മാറ്റുന്നത്. രക്ഷാപ്രവര്‍ത്തം വേഗത്തിലാക്കുന്നതിനാണ് ഈ തീരുമാനം എന്നാണ് അധികൃതര്‍ നല്‍കുന്ന വിശദീകരണം. ഉന്നത ഉദ്യോഗസ്ഥര്‍ അടക്കമുള്ളവര്‍ വൈകാതെ കൊച്ചിയിലേക്ക് മടങ്ങും. തിരുവനന്തപുരം ജില്ലയില്‍ നിന്നാണ് ഏറ്റവും കൂടുതല്‍ പേരെ കടലില്‍ കാണാതായിരിക്കുന്നത്. വ്യോമസേനയുടെയും നാവികസേനയുടെയും പ്രവര്‍ത്തനം കാര്യക്ഷമമല്ലെന്നും രക്ഷാപ്രവര്‍ത്തനത്തിന്റെ വിവരങ്ങള്‍ നല്‍കുന്നില്ലെന്നും പ്രദേശവാസികള്‍ ആരോപണം ഉന്നയിക്കുമ്പോഴാണ് അധികൃതര്‍ പുതിയ നടപടി സ്വീകരിക്കുന്നത്. ഇത് തീരദേശ മേഖലയില്‍ നിന്ന് കൂടുതല്‍ പ്രതിഷേധത്തിന് ഇടയാക്കുമെന്ന് വ്യക്തമാണ്. ജനങ്ങളെ കാര്യങ്ങള്‍ പറഞ്ഞ് ബോധ്യപ്പെടുത്തുക എന്ന ശ്രമകരമായ ജോലിയാണ് അധികൃതര്‍ക്ക് മുന്നിലുള്ളത്. ഓഖി ചുഴലിക്കാറ്റ് ലക്ഷദ്വീപ് നടന്ന് തെക്കു പടിഞ്ഞാറന്‍ മേഖലയിലേക്ക് മാറിയതോടെ കാറ്റില്‍ പെട്ട് കൂടുതല്‍ ബോട്ടുകള്‍ ഈ മേഖലയിലേക്ക് മാറിയിട്ടുണ്ടെന്നാണ് അധികൃതര്‍ വിശ്വസിക്കുന്നത്. രക്ഷിച്ചെടുക്കുന്നവരെ തിരുവനന്തപുരത്ത് എത്തിക്കുന്നതിന് കൂടുതല്‍ സമയം വേണ്ടിവരുന്നുവെന്നും കൊച്ചിയില്‍ പെട്ടെന്ന് എത്തിച്ചേരാമെന്നുമാണ് അധികൃതര്‍ പറയുന്ന കാരണം. അതിനിടെ, മൂന്ന് ബോട്ടുകളിലെ 32 പേര്‍ ലക്ഷദ്വീപിലെ ബത്ര ദ്വീപില്‍ എത്തി. മരിയ ബോട്ടിലെ എട്ടും പെരിയനായിക് ബോട്ടിലെയും സെന്റ ജോസിലെ 12 പേര്‍ വീതവും ലക്ഷദ്വീപില്‍ എത്തിയിട്ടുണ്ട്. കൊച്ചിയില്‍ നിന്ന് പുറപ്പെട്ടതാണ് ഈ ബോട്ടുള്‍. കേരളം, ആന്ധ്രാപ്രദേശ്, തമിഴ്‌നാട് എന്നിവിടങ്ങളില്‍ നിന്നുള്ളവരാണ് തൊഴിലാളികള്‍. നേരത്തെ ലക്ഷദ്വീപില്‍ എത്തിയ 11 പേരെ നാവികസേന കൊച്ചിയില്‍ എത്തിച്ചിരുന്നു. നാല് ബോട്ടുകള്‍ തോപ്പുംപടി ഹാര്‍ബറില്‍ തിരിച്ചെത്തിയിട്ടുണ്ട് ഇതില്‍ 48 തൊഴിലാളികളുണ്ട്. അതേസമയം, മെഡിക്കല്‍ കോളജ് ആശുപത്രിയില്‍ സൂക്ഷിച്ചിരുന്ന രണ്ട് മൃതദേഹങ്ങള്‍ കൂടി ഇന്ന് തിരിച്ചറിഞ്ഞു. പൂന്തുറ സ്വദേശികളായ ലാസര്‍, ആരോഗ്യദാസ് എന്നിവരെയാണ് തിരിച്ചറിഞ്ഞത്. Ads by Google ockhi cyclone Advertisement കേരള മാട്രിമോണിയിലൂടെ ഏറ്റവും പൊരുത്തമുള്ളയാളെ കണ്ടെത്തൂ - രജിസ്ട്രേഷൻ സൗജന്യം! PRINT LATEST NEWS Monday 04 Dec 2017 03.22 PM PRINT YOU MAY BE INTERESTED latest-news-ockhi-cyclone-innocent-to-donate-two-month-salary ഓഖി ദുരിതം: രണ്ടു മാസത്തെ വേതനം ദുരിതാശ്വാസപ്രവര്‍ത്തനത്തിന് നല്‍കുമെന്ന് ഇന്നസെന്റ് എം.പി latest-news-vs-visits-punthura വി.എസ് പൂന്തുറയില്‍ എത്തി; ദുഃഖത്തില്‍ ഒപ്പമുണ്ടാകുമെന്ന് വാക്ക് latest-news-ockhi-cyclone-defence-ministers-statement രക്ഷാപ്രവര്‍ത്തനത്തിന് മത്സ്യത്തൊഴിലാളികളും; പരാതികളെ കുറിച്ച് പ്രതികരിക്കില്ല: നിര്‍മ്മല സീതാരാമന്‍ latest-news-defence-minister-visits-punthura-protest-against-kerala-ministers പ്രതിരോധമന്ത്രി പൂന്തുറയില്‍: മത്സ്യത്തൊഴിലാളികളെ അപമാനിച്ചുവെന്ന്; സംസ്ഥാന മന്ത്രിമാര്‍ക്കെതിരെ പ്രതിഷേധം Ads by Google LATEST NEWS latest-news-sc-on-mullaperiyar-issue മുല്ലപ്പെരിയാറിലെ പാര്‍ക്കിംഗ്: തത്സ്ഥിതി തുടരണമെന്ന് സുപ്രീ കോടതി മോഹന്‍ ഭാഗവത് ഇന്ത്യയുടെ ചീഫ് ജസ്റ്റിസോ? അസാദുദീന്‍ ഒവൈസി ഓഖി വരുന്നു: മഹാരാഷ്ട്രയും ഗുജറാത്തും അതീവ ജാഗ്രതയില്‍ ട്രഷറിയില്‍ പണമില്ല; റവന്യൂ ജില്ലാ കലോത്സവ നടത്തിപ്പുകാര്‍ അവസാന നിമിഷവും നെട്ടോട്ടത്തില്‍ മോഹന്‍ ഭഗത് ചീഫ് ജസ്റ്റീസ് കളിക്കേണ്ട ; അയോദ്ധ്യയെക്കുറിച്ച് സുപ്രീംകോടതി പറയും ; ആര്‍എസ്എസ് നേതാവിനെ ചോദ്യം ചെയ്ത് ഒവൈസി ഓഖി: കേരളത്തിന് സഹായം നല്‍കുമെന്ന് കേന്ദ്രമന്ത്രി അറിയിച്ചതായി പിണറായി വിജയന്‍ Kerala Matrimony