ദേശീയനയത്തില്‍ അടിതെറ്റി സിപിഐ

പി ബാലാനന്ദ്

കോണ്‍ഗ്രസുമായി വേണ്ടി വന്നാല്‍ സഹകരിക്കണമെന്ന സിപിഐയുടെ ദേശീയ നയം പുറത്തുവന്നതോടെ വെട്ടിലായി സിപിഐ കേരളഘടകമ.ഇടതുപക്ഷത്തു നിന്ന് കോണ്‍ഗ്രസിനെ സഹായിക്കുന്ന നിലപാടാണ് സിപിഐയുടേതെന്ന് കേരളനേതാക്കളുടെ നിരന്തരമുള്ള ആരോപണങ്ങള്‍ ശരിവെയ്ക്കുന്നതിലേക്കാണ് ഇപ്പോള്‍ പുതിയ നയപ്രഖ്യാപനം എത്തിയിരിക്കുന്നത്.എന്നാല്‍ സിപിഐ ദേശീയ നേതൃത്വത്തിന്റെ തീരുമാനം കേരളത്തിലെ താഴേക്കിടയിലുള്ള പ്രവര്‍ത്തകരെ എങ്ങനെ പറഞ്ഞുബോധ്യപ്പെടുത്തുമെന്ന പ്രതിസന്ധിയാലാണ് കേരളത്തിലെ നേതാക്കളെന്ന് സിപഐയിലെ ഒരു മുതിര്‍ന്ന നേതാവ് ഹെഡ്‌ലൈന്‍ കേരളേയോട് ധര്‍മ്മസങ്കടംപങ്കുവെച്ചു.

കോണ്‍ഗ്രസിന്റെ ഭാഗത്തു നിന്ന് യാതൊരു തരത്തിലും ഔദ്യോഗികമായി സഹായം അഭ്യര്‍ത്ഥന ഉണ്ടാകാത്ത സ്ഥിതിക്ക് അങ്ങോട്ട് കയറി പിന്തുണ പ്രഖ്യാപിച്ച അവസ്ഥയായി നിലവിലെ രാഷ്ട്രീയ നിലപാട്.സിപിഎമ്മിനോട് എതിരിടുമ്പോഴും കറയറ്റ കമ്യൂണിസ്റ്റ് നിലപാടാണ് തങ്ങളുടേതെന്ന് സിപിഎം നേതാക്കള്‍ ഊന്നിയൂന്നി പറയുന്നുണ്ട്.മാത്രമല്ല ദേശീയ തലത്തില്‍ ബിജെപിയെയും കോണ്‍ഗ്രസിനെയും എതിരിടാനുളള ശേഷി തങ്ങള്‍ക്കുമാത്രമേയുള്ളുവുന്നും സിപിഐ വാദിക്കുന്നുണ്ടായിരുന്നു.നിലവിലെ നിലപാട് പക്ഷെ ഇതിനെയെല്ലാം പൊളിക്കുന്നതാണ്

പുതിയ നയത്തിന്റെ അടിസ്ഥാനത്തില്‍ എംഎം മണിയടക്കമുള്ള തീവ്ര സിപിഎം നേതാക്കളുടെ ആക്രമണത്തിനെ പ്രതിരോധിക്കാനുള്ള ശേഷിയില്ലാതെ കേരള നേതാക്കള്‍ വലയുകയാണ്.തലയ്ക്ക് സ്ഥിരതയുള്ളവരാരെങ്കിലും കോണ്‍ഗ്രസിനൊപ്പം പോകുമോയെന്ന സിപിഐ സംസ്ഥാന സെക്രട്ടറി ദേശീയ നയത്തിന്റെ പ്രതിരോധ നടപടികളുമായി ഇറങ്ങിയിട്ടുണ്ടെങ്കിലും പാര്‍ട്ടിയുടെ ദേശീയനയമാണ് നിലവിലേതെന്ന് മറക്കാന്‍ കഴിയില്ല. തോമസ് ചാണ്ടി,കുറിഞ്ഞി ഉദ്യാന വിഷയങ്ങളില്‍ സിപിഐയുടെ നിലപാട് വിവാദമായപ്പോള്‍ അവര്‍ കോണ്‍ഗ്രസിലേക്ക് പോകുകയാണെന്ന സൈബര്‍ ലോകത്തെ ആരോപണങ്ങള്‍ക്ക് ആക്കം കൂട്ടുന്നതാണ് നിലവിലെ ദേശീയ നിലപാട്.അത്തരമൊരുനിലപാടുമില്ല,സിപിഐ യുടെ രാഷ്ട്രീയ പാരമ്പര്യത്തെ കുറിച്ചറിയാത്തവരാണ് നിലപാട് വ്യാഖ്യാനിക്കുന്നതെന്ന് കാനം പത്രസമ്മേളനത്തിലൂടെ പറഞ്ഞെങ്കിലും ഇപ്പോള്‍ നിലപരുങ്ങിലായിരിക്കുകയാണ്.

അടുത്ത ഇടതുയോഗത്തില്‍ പ്രശ്‌നങ്ങളെല്ലാം പറഞ്ഞു തീര്‍ത്ത് രമ്യതിയില്‍ പോകാനാഗ്രഹിച്ചിരുന്നതാണ് ഇവിടുത്തെ മുതിര്‍ന്ന നേതാക്കളല്‍ പലരും.കാനത്തിന്റെ നിലപാടുകളെളാക്കാള്‍ സിപിഎമ്മിനോട് എതിരിടുന്ന വിഷയങ്ങളില്‍ തീവ്രനിലപാടുകളെടുക്കുന്ന പാര്‍ട്ടി അസിസ്റ്റന്റ് സെക്രട്ടറിയോട് നിലപാട് മയപ്പെടുത്തണമെന്ന് പാര്‍ട്ടി യുവജനവിഭാഗം ആവശ്യപ്പെടുകയും ചെയ്തിരുന്നു.മോദിയെ പ്രതിരോധിക്കാനുള്ള തന്ത്രം മാത്രമായാല്ല,ഇടതുംവലതും മാറിമാറിക്കളിക്കാനുള്ള രാഷ്ട്രീയ തന്ത്രമായാണ് നിലവിലെ സിപിഐനിലപാടിനെ ഇടതുകക്ഷികള്‍ വിശദീകരിക്കുന്നത്.