മുഖ്യമന്ത്രിയുടെ ‘കടക്കൂ പുറത്ത്’,കാനത്തിന് പിടിച്ചിട്ടില്ല

മുഖ്യമന്ത്രി പിണറായി വിജയന്‍ മാധ്യമങ്ങളോട് കടക്കൂ പുറത്ത് എന്ന് ആജ്ഞാപിച്ചതിനെതിരെ സിപിഐ സംസ്ഥാന സെക്രട്ടറി കാനം രാജേന്ദ്രന്‍ രംഗത്ത്.ഒരു ഭരണാധികാരിക്ക് ചേര്‍ന്ന ഭാഷയിലല്ല പിണറായി മാധ്യമങ്ങളോട് സംസാരിച്ചതെന്നതാണ് കാനത്തിന്റെ നിലപാട്.ഇത്തര#സമീപനങ്ങള്‍ ഭരണാധികാരികള്‍ക്ക് അഭികാമ്യമല്ലെന്നും അദ്ദേഹം പറയുന്നു

പിന്നെ ഈ വിഷയം ചര്‍ച്ച ചെയ്യണോ വേണ്ടയോ എന്നത് സിപിഐഎം ആണ് തീരുമാനിക്കേണ്ടതെന്നും കാനം വ്യക്തമാക്കി.

കഴിഞ്ഞ ദിവസം മസ്‌കറ്റ് ഹോട്ടലിലാണ് സംഭവം നടന്നത്.സിപിഎം-ബിജെപി പോര് രൂക്ഷമാകുകയും ഒരു ആര്‍എസ്എസ് പ്രവര്‍ത്തകന്‍ കൊല്ലപ്പെടുകയും ചെയ്ത പശ്ചാത്തലത്തില്‍ ആര്‍എസ്എസ് -ബിജെപി നേതാക്കളുമായി ചര്‍ച്ചയ്‌ക്കെത്തിയ മുഖ്യമന്ത്രിയാണ് മാധ്യമങ്ങളോട് പുറത്തു കടക്കാന്‍ ആജ്ഞാപിച്ചത്.ആരാണ് ഇവരെ ഇങ്ങോട്ട് കയറ്റി വിട്ടതെന്നും ചര്‍ച്ച നടന്ന മസ്‌കറ്റ് ഹോട്ടലിലെ ജീവനക്കാരോട് മുഖ്യമന്ത്രി വിശദീകരണം തേടിയിരുന്നു.ഇതിനെതിരെ സാമൂഹ്യമാധ്യമങ്ങളും വലിയ ചര്‍ച്ചയ്ക്ക് വഴി വെച്ചിരുന്നു.തുടര്‍ന്ന് ദിവസങ്ങള്‍ കഴിഞ്ഞാണ് കാനം രാജേന്ദ്രന്‍ ഇക്കാര്യത്തില്‍ മുഖ്യമന്ത്രിയെ വിമര്‍ശിച്ച് രംഗത്തെത്തിയിരിക്കുന്നത്