ഇന്ത്യന്‍ മഹാസമുദ്രത്തില്‍ ചൈനയുടെ യുദ്ധക്കപ്പലുകള്‍

ഇന്ത്യയും ചൈനയും പോര്‍മുഖത്തേക്ക്; Chinese ship, Indian Ocean ന്യൂഡല്‍ഹി: 1962ന് ശേഷം ഇന്ത്യയുടേയും ചൈനയുടേയും സൈന്യം മുഖാമുഖം എത്തുന്നു. ഇന്ത്യന്‍ മഹാസമുദ്രത്തില്‍ ചൈനയുടെ യുദ്ധക്കപ്പലുകള്‍ വിന്യസിച്ചു. ഇരുരാജ്യങ്ങളും തമ്മിലുള്ള ബന്ധത്തില്‍ അകല്‍ച്ച നിലനില്‍ക്കുന്ന സാഹചര്യത്തില്‍ യുദ്ധക്കപ്പലുകള്‍ പ്രത്യേക നിരീക്ഷണത്തിലാണുള്ളത്. നാവികസേനയുടെ കൃത്രിമോപഗ്രഹമായ രുക്മിണിയുടേയും ദീര്‍ഘദൂര നിരീക്ഷണ വാഹനമായ പൊസീഡന്‍-81 തുടങ്ങിയവയുടേയും സഹായത്തോടെ കണക്ക് പ്രകാരം 13 ചൈനീസ് നാവികസേന കപ്പലുകള്‍ തിരിച്ചറിഞ്ഞിട്ടുണ്ട്. ചൈനീസ് കപ്പലായ ലുയാങ് 3 ആണ് വിന്യസിച്ചിരിക്കുന്നതെന്നും ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്. ഇരു രാജ്യങ്ങളുടേയും വിദേശകാര്യ മന്ത്രാലയങ്ങള്‍ പരോക്ഷമായ ഏറ്റുമുട്ടലുകള്‍ തുടരുന്നതിനിടയിലാണ് യുദ്ധക്കപ്പലുകള്‍ രംഗത്തുവന്നിരിക്കുന്നത്. സംഘര്‍ഷം മികച്ച രീതിയില്‍ കൈകാര്യം ചെയ്തില്ലെങ്കില്‍ യുദ്ധത്തിന് സാധ്യതയെന്ന് ചൈനീസ് മാധ്യമമായ ഗ്ലോബല്‍ ടെംസ് പറഞ്ഞിരുന്നു. നേരത്തെ 1962 ഇന്ത്യയല്ല ഇന്നത്തെ ഇന്ത്യയെന്ന് കേന്ദ്രപ്രതിരോധമന്ത്രിയായ അരുണ്‍ ജെയ്റ്റ്‌ലി രംഗത്ത് വന്നിരുന്നു. എന്നാല്‍ അതിന് മറുപടിയായി 1962ലെ ചൈനയുമല്ല ഇന്നത്തെത് എന്നും ചൈന പ്രതികരിച്ചിരുന്നു. ഭൂട്ടാന്റെ പേരും പറഞ്ഞ് ഇന്ത്യ ചൈന അതിര്‍ത്തിയില്‍ സിക്കിം പ്രവശ്യയില്‍ ഇന്ത്യ കയ്യേറ്റം നടത്തുന്നതായുള്ള ആരോപണവുമായി ചൈനീസ് വിദേശകാര്യവക്താവ് രംഗത്ത് വന്നിരുന്നു. പ്രദേശത്തുനിന്നും സൈന്യത്തെ പിന്‍വലിക്കണമെന്നും ചൈന ആവശ്യപ്പെട്ടിരുന്നു.