രാഷ്ട്രപതി തിരഞ്ഞെടുപ്പ്:ബീഹാറിന്റെ പുത്രി കോവിന്ദിനെ അട്ടിമറിക്കുമോ?

പ്രമുഖ ദലിത് നേതാവും ഉപപ്രധാനമന്ത്രിയുമായിരുന്ന ജഗ്ജീവന്‍ റാമിന്റെ പുത്രിയും മുന്‍ ലോക്‌സഭാ സ്പീക്കറുമായിരുന്ന മീരാകുമാര്‍ 17 പ്രതിപക്ഷ പാര്‍ട്ടികളുടെ പൊതു സ്ഥാനാര്‍ത്ഥിയായി രാഷ്ട്രപതി തിരഞ്ഞെടുപ്പില്‍ മല്‍സരിക്കും.കോണ്‍ഗ്രസ് അധ്യക്ഷ സോണിയ ഗാന്ധിയുടെ നേതൃത്വത്തില്‍ ചേര്‍ന്ന യോഗത്തിലാണ് തീരുമാനം.ജെഡിയു ഒഴികെയുള്ള എല്ലാ പ്രതിപക്ഷപാര്‍ട്ടികളുടെയും നേതാക്കള്‍ യോഗത്തില്‍ പങ്കെടുത്തു.

ബീഹാറിന്റെ പുത്രി മീരാകുമാറിനെ സ്ഥാനാര്‍ത്ഥിയാക്കിയതിലൂടെ ബീഹാര്‍ മുഖ്യമന്ത്രി നിതീഷ് കുമാറിന്റെയും ജെഡിയുവിന്റെയും രാഷ്ട്രീയ നീലപാടിനെ ചോദ്യം ചെയ്യുക കൂടിയാണ്,ബാക്കി പ്രതിപക്ഷം.നേരത്തേ നിതീഷ് കുമാര്‍ രാംനാഥ് കോവിന്ദിന് വോട്ടു ചെയ്യുമെന്ന് പ്രഖ്യാപിച്ചിരുന്നു.ഈ നിലപാട് പുനപരിശോധിക്കണമെന്ന് ജെഡിയുവിനോട് പ്രതിപക്ഷ പാര്‍ട്ടികള്‍ അഭ്യര്‍ത്ഥിച്ചു.ഇപ്പോഴത്തെ സാഹചര്യത്തില്‍ കോവിന്ദിന് മീരാകുമാര്‍ ഒരു വലിയ എതിരാളിയല്ല