ശ്രീധരന്റെ ഇരിപ്പിടം കുമ്മനം തട്ടിയെന്ന്

ശ്രീധരന്റെ ഇരിപ്പിടം കുമ്മനം തട്ടിയെന്ന് മെട്രൊയില്‍ സഞ്ചരിക്കാന്‍ പ്രധാനമന്ത്രിക്കൊപ്പം കുമ്മന രാജശേഖകന്‍ എത്തിയപ്പോള്‍ ആദ്യയാത്രയില്‍ അവസരം നഷ്ടമായത് മെട്രൊമാന്. കെ. എം ആര്‍ എല്‍ വിഭാവനം ചെയ്തിരുന്ന സീറ്റ് ലിസ്റ്റില്‍ പ്രധാനമന്ത്രിക്കൊപ്പമായിരുന്നു മെട്രോമന്റെ ഇരിപ്പിടം അവിടെയാണ് അവിചാരിതമായികുമ്മനം വന്നത്.

പ്രധാനമന്ത്രി നടത്തിയ ആദ്യ മെട്രോയാത്രയില്‍ സുരക്ഷാ പട്ടികയെ അട്ടിമറിച്ച് കുമ്മനം എത്തിയെന്ന് ആക്ഷേപം ഉന്നയിച്ച് സി പി എം മുഖപത്രം ദേശാഭിമാനി ഓണ്‍ ലൈന്‍ വാര്‍ത്തനല്‍കികഴിഞ്ഞു. പ്രതിപക്ഷ നേതാവടക്കം ജനപ്രതിനിധികളെ വരെ ഒഴിവാക്കിയുള്ള യാത്രയിലാണ് പട്ടികയില്‍ പേരില്ലാതിരുന്നിട്ടും കുമ്മനം കടന്നുകയറിയതെന്ന് ദേശാഭിമാനി ആരോപിക്കുന്നു. . ഗവര്‍ണര്‍ പി സദാശിവം, പ്രധാനമന്ത്രി നരേന്ദ്ര മോഡി, മുഖ്യമന്ത്രി പിണറായി വിജയന്‍, കേന്ദ്രമന്ത്രി വെങ്കയ്യ നായിഡു എന്നിവരുടെ നിരയിലാണ് ക്യാമറകളില്‍ കുമ്മനം ഇടിച്ചു കയറി ഇരിപ്പുറപ്പിച്ചത്. രാവിലെ പ്രധാനമന്ത്രി നാവികസേനാ വിമാനത്താവളത്തില്‍ വന്നിറങ്ങിയതു മുതല്‍ കുമ്മനം ഒപ്പമുണ്ടായിരുന്നു.

പാലാരിവട്ടം മുതല്‍ പത്തടിപ്പാലം വരെയാണ് പ്രധാനമന്ത്രി മെട്രോയില്‍ യാത്ര ചെയ്തത്. ഈ യാത്രയില്‍ ഷെഡ്യൂളില്‍ ഇല്ലാതെ എത്തിയ ഏക ആള്‍ കുമ്മനം രാജശേഖരന്‍ മാത്രമാണ്. കുമ്മനം കയറിയതോടെ ഇ ശ്രീധരന് കിട്ടേണ്ട സീറ്റാണ് നഷ്ടമായത്. ഇതോടെ അദ്ദേഹവും കെഎംആര്‍എല്‍ എംഡി ഏലിയാസ് ജോര്‍ജിനും മറ്റൊരു സീറ്റിലിരുന്ന് യാത്ര ചെയ്യിേവന്നു. മെട്രോയില്‍ യാത്ര ചെയ്തു കുറച്ചുദൂരം സഞ്ചരിച്ചപ്പോള്‍ കുമ്മനം സ്വയം മാറിയിരുന്നു. പ്രധാനമന്ത്രിയുടെ പരിപാടിയില്‍ സുരക്ഷാ ക്രമീകരണമെന്ന നിലയില്‍ ജനപ്രതിനിധികളെയടക്കം ഒഴിവാക്കിയപ്പോഴാണ് കുമ്മനം കടന്നു കൂടിയത്. ഇവര്‍ക്കൊപ്പം യാത്ര ചെയ്യുമെന്ന് കരുതിയിരുന്ന രമേശ് ചെന്നിത്തലയും മേയര്‍ സൌമിനി ജെയിനും സുരക്ഷ ഉദ്യോഗസ്ഥരാല്‍ വിലക്കപ്പെട്ടു