മെട്രോ റെയിലിന്റെ ലോക ചരിത്രവും: മെട്രോയിലെ ഇന്‍ഡ്യന്‍ യാത്രയും

സൂര്യന്‍ അസ്തമിയ്ക്കാത്ത ലണ്ടന്‍ നഗരത്തിലാണ് ആദ്യമായി മെട്രോ റെയിലെന്ന സ്വപ്നത്തിന്റെ യാത്ര തുടങ്ങുന്നത്.പത്തൊമ്പതാം നൂറ്റാണ്ടിന്റെ മധ്യ കാലഘട്ടത്തില്‍ അതായത് 1863ഓടെയാണ് അടിപ്പാതകള്‍ വഴി തുരങ്കം നിര്‍മിച്ചാണ് ലണ്ടനില്‍ മെട്രോ റെയില്‍ ഓടി തുടങ്ങുന്നത്.പിന്നീട് സമ്പൂര്‍ണ വൈദ്യുതീകരിച്ച മെട്രോ 1890 ലും ഓടി തുടങ്ങി.അതാണ് മെട്രോയുടെ ആദ്യ ചരിത്രം.മെട്രോ സംവിധാനത്തിലെ ഏറ്റവും നീളം കൂടിയ സംവിധാനമുള്ളത് ചൈനയിലെ ഷാങ്ഹായ് മെട്രോയുടേതാണ്.അതായത് 14 ലൈനുകളിലായി 588 കിലോമീറ്റര്‍ ദൂരവും 364 സ്റ്റേഷനുകളുമാണുള്ളത്.1993 ലാണ് ഇത് പ്രവര്‍ത്തനമാരംഭിക്കുന്നത്.2016 ലെ കണക്കനുസരിച്ച് 92 ലക്ഷമാളുകളാണ് ദിവസേന മെട്രോയില്‍ യാത്ര ചെയ്യുന്നത്.ചൈനയിലെ തന്നെ ബിജിംഗിലെ ബീജിംഗ് സബ് വേയാണ് ഏറ്റവും തിരക്കേറിയ മെട്രോ.അമേരിക്കയിലെ ന്യൂയോര്‍ക്ക് സിറ്റി സബ് വേയും തിരക്കേറിയ സ്റ്റേഷന്‍ തന്നെ. നിലവില്‍ 55 ലോകരാജ്യങ്ങളിലെ 157 വന്‍ നഗരങ്ങളിലായി 160 മെട്രോ സംവിധാനമാണ് ഇന്ന് നിലവിലുള്ളത്. രാജ്യാന്തര ഗതാഗത അസോസിയേഷന്റെ നിര്‍വ്വചനമനുസരിച്ച് മെട്രോ റെയിലിനെ വിശേഷിപ്പിക്കുന്നതിങ്ങനെയാണ് ആധുനിക നഗരവാസികള്‍ക്കൊരു ആധുനിക ഗതാഗത സംവിധാനംമെന്നാണ്

മെട്രോയില്‍ ഇന്‍ഡ്യ യാത്ര തുടങ്ങിയിട്ട് ഏതാണ്ട് 32 കൊല്ലം പിന്നിട്ടു.അതായത് 1984 ല്‍ കൊല്‍ക്കത്തയിലാണ് ആദ്യ മെട്രോ ഓടി തുടങ്ങിയത്.ആദ്യ വിപുലീകരിച്ച മെട്രോ സംവിധാനം 1995 ല്‍ ചെന്നൈയിലെത്തി.ആദ്യ ഘട്ടത്തില്‍ വളരെ ചെറിയ ദൂരം മാത്രമാണ് ചെന്നൈയില്‍ ഒരുക്കിയത്.2006ലെ ദേശീയ നഗരവികസന പദ്ധതി പ്രകാരം 2 കോടിയിലധികം ജനങ്ങള്‍ തിങ്ങിപാര്‍ക്കുന്ന നഗരങ്ങളില്‍ മെട്രോ വേണമെന്ന നിര്‍ദ്ദേശം വന്നു.എന്നാല്‍ 2014 ആയതോടെ രാജ്യത്ത് 1 കോടി ജനങ്ങള്‍ പാര്‍ക്കുന്ന നഗരങ്ങളില്‍ ഗതാഗത സംവിധാനം മെച്ചപ്പെടുത്താന്‍ കേന്ദ്ര സഹായത്തോടെ മെട്രോ സ്ഥാപിക്കാമെന്ന് കേന്ദ്ര മന്ത്രി വെങ്കയ്യ നായിഡു നിര്‍ദ്ദേശിച്ചു.രാജ്യത്തെ അമ്പതു നഗരങ്ങളില്‍ മെട്രോ സ്ഥാപിക്കാനുള്ള പദ്ധതിയ്ക്ക് 2015 ല്‍ പ്രധാനമന്ത്രിയുടെ ഓഫീസിന്റെ അനുമതി ലഭിച്ചു.അന്‍പതു ശതമാനം സംസ്ഥാന സര്‍ക്കാരും ബാക്കി അന്‍പത് കേന്ദ്ര സര്‍ക്കാരും നല്‍കാമെന്ന വാഗ്ദാനമാണ് നല്‍കിയിരിക്കുന്നത്‌