മതിമോഹനമീ യാത്ര ,മോഡിയോടെ കൊച്ചി മെട്രോ

അനുനിമിഷം വളരുന്ന കൊച്ചിയുടെ മാറില്‍ നൃത്തം വെച്ച് മതിമോഹനമായ യാത്ര പ്രധാനം ചെയ്യാന്‍ കൊച്ചി മെട്രോ ഒരുങ്ങി കഴിഞ്ഞു.പ്രധാനമന്ത്രി നരേന്ദ്ര മോദി ഇന്ന് കൊച്ചി മെട്രോ രാജ്യത്തിനു സമര്‍പ്പിക്കുമ്പോള്‍ 'ഹരിതമീ യാത്രയാണ് 'നമ്മുടെ മെട്രോയിലെ ഏറ്റവും ആകര്‍ഷണം.5181 കോടി ചിലവില്‍ നിര്‍മ്മാണത്തിന്റെ ആദ്യ ഘട്ടം പൂര്‍ത്തിയാക്കി ഇന്ന് രാജ്യം നമ്മുടെ മെട്രോ ഏറ്റു വാങ്ങുമ്പോള്‍ ചില പ്രധാന കാര്യങ്ങളില്‍ സമാനതകളില്ല. കകേരളത്തിന്റെ ഉല്‍സവ ചിന്തകളെ അനുസ്മരിപ്പിക്കുന്ന വാദ്യഘോഷങ്ങള്‍.ഇലത്താളത്തില്‍ തുറന്ന് ചെണ്ടയുടെ താളത്തിലടയുന്ന ഡോറുകള്‍ അതിവിശിഷ്ട്യമായ ഒന്നു തന്നെ.സൗജന്യ വൈഫൈ ലഭ്യമാകുന്ന ലോകത്തിലെ ആദ്യ മെട്രോ സംവിധാനം.

വര്‍ദ്ധിച്ചു വരുന്ന ഗതാഗത കുരുക്കുകളില്‍ കുടുങ്ങി ജീവിതത്തിന്റെ സമയം പാഴാകാതെ നഗരങ്ങളെ രക്ഷിക്കാന്‍ ഏറ്റവും പ്രാപ്തമായ ഒന്നു തന്നെയാണ് മെട്രോ റെയിലുകള്‍.ഡല്‍ഹി,കൊല്‍ക്കത്ത,മുംബൈ,ജയ്പൂര്‍,ഗുര്‍#ാഗാവോണ്‍,ബംഗളൂരൂ .ചെന്നെ എന്നീ മെട്രോ സര്‍വ്വീസുകളെല്ലാം കൂടി 326 കിലോമീറ്ററാണുള്ളത്.പുതിയ മെട്രോ പദ്ധതികളിലാകെ 526 കിലോമീറ്ററുകളില്‍ പണി നടന്നു വരികയാണ്.നിലവില്‍ ഇന്‍ഡ്യയിലെ മെട്രോ നഗരങ്ങളിലെല്ലാം കൂടി 903 കിലോമീറ്റര്‍ മെട്രോയാണ് വിഭാവനം ചെയ്തിരിക്കുന്നത്.

വളരെ കുറഞ്ഞ സമയത്തിനുള്ളില്‍ ആദ്യ ഘട്ടത്തിലെ 13 കിലോമീറ്ററുകള്‍ പൂര്‍ത്തിയാക്കി.കേവലം 45 മാസങ്ങള്‍ മാത്രമാണ് ആദ്യഘട്ട നിര്‍മ്മാണം പൂര്‍ത്തിയാക്കാന്‍ എടുത്തത്.മുംബൈ മെട്രോ ആദ്യ 11 കിലോ മീറ്റര്‍ പൂര്‍ത്തിയാക്കാന്‍ 75 മാസങ്ങളെടുത്തപ്പോള്‍,ചെന്നൈ മെട്രോയുടെ ആദ്യ നാലു കിലോമീറ്റര്‍ പൂര്‍ത്തിയാക്കാനെടുത്തത് 72 മാസങ്ങളാണ്.ജയ്പൂര്‍ മെട്രോ 56 മാസങ്ങള്‍ കൊണ്ട് 9.2 കിലോമീറ്ററും ഡല്‍ഹി മെട്രോ 50 മാസങ്ങള്‍ കൊണ്ട് 8.5 കിലോമീറ്ററും മാത്രമാണ് പൂര്‍ത്തിയാക്കിയത്.ബാംഗ്ലൂരിന്റേതും ഡല്‍ഹിയ്ക്കു സമാനമാണ്.

ഹരിത മെട്രോ

രാജ്യത്തെ ആദ്യത്തെ സൗരോര്‍ജ്ജ മെട്രോ.മെേേട്രാ പ്രവര്‍ത്തനങ്ങള്‍ക്ക് ആവശ്യമായി വരുന്ന പകുതി ഭാഗം വൈദ്യുതിയും ഈ വഴി ലഭ്യമാകും.2.3 മെഗാ വാട് വൈദ്യുതി ഉല്‍പാദിപ്പിക്കാവുന്ന സോളാര്‍ പാനലുകള്‍ 23 സ്റ്റേഷനുകളിലും സ്ഥാപിച്ചിട്ടുണ്ട്ട്. കൊച്ചി മെട്രോയുടെ ആറു പില്ലറുകളും വെര്‍ട്ടിക്കല്‍ ഗാര്‍ഡനുകളായിരിക്കും.മണ്ണുപയോഗിക്കാതെ വെയ്സ്റ്റില്‍ നിന്നു വളമുണ്ടാക്കിയ ഉപയോഗിക്കും.ആലുവ മുതല്‍ പാലാരിവട്ടം വരെയുള്ള നൂറു തൂണുകളിലാണ് പൂന്തോട്ടമൊരുങ്ങുന്നത്. കൊച്ചിയെ ഗതാഗതക്കുരുക്കെന്നും വെയ്‌സ്റ്റെന്നുമൊക്കെ വിളിച്ചവര്‍ക്കിട്ടൊരു ചെറിയ പണി അത്രേയുള്ളു.