വ്യാജ സര്‍ട്ടിഫിക്കറ്റ്:മലയാളി നേഴ്‌സുമാര്‍ സൗദി ജയിലില്‍

വ്യാജ സര്‍ട്ടിഫിക്കറ്റ് ഹാജരാക്കി സൗദിയിലെ ജിദ്ദയില്‍ നഴ്‌സായി ജോലിചെയ്ത കോട്ടയം ജില്ലക്കാരായ മൂന്നു നഴ്‌സുമാര്‍ ജയിലില്‍.കറുകച്ചാല്‍,വാഴൂര്‍,പുതുപ്പള്ളി സ്വദേശികളാണ് ജിദ്ദയിലെ തായിഫ് ജയിലില്‍ കഴിയുന്നത് സ്വകാര്യ ഏജന്റുമാര്‍ വഴി രണ്ടു വര്‍ഷംമുന്‍പാണ് ഇവര്‍ സൗദിയിലെത്തിയത്.സൗദി ആരോഗ്യമന്ത്രാലയത്തിനു കീഴിലുള്ള ആശുപത്രിയില്‍ ജോലിയില്‍ പ്രവേശിക്കുന്നതിനുള്ള എക്‌സ്പീരിയന്‍സ് സര്‍ട്ടിഫിക്കറ്റ് ഇവര്‍ക്കു സംഘടിപ്പിച്ചു നല്‍കിയതും സ്വകാര്യ ഏജന്റുമാരാണ്. ജോലിക്കു കയറിയ ശേഷം സൗദി കൗണ്‍സില്‍ ഫോര്‍ ഹെല്‍ത് സ്‌പെഷ്യാലിറ്റിയില്‍ പരിശോധിച്ചപ്പോഴാണ് സര്‍ട്ടിഫിക്കറ്റ് വ്യാജമാണെന്ന് കണ്ടെത്തിയത്.തുടര്‍ന്ന് ഇവരെ ജയിലിലാക്കിയത്.

തടവിലാക്കപ്പെട്ട് മൂന്നുമാസമായിട്ടും മോചനത്തിനുള്ള വഴികള്‍ ഒരുങ്ങിയിട്ടില്ല.സൗദി പൊതുമാപ്പ്ആനുകൂല്യത്തില്‍ തിരികെ പോരാമെന്ന് കരുതിയാലും കേസു മൂലം അത് നടക്കില്ല.നഴ്‌സുമാരുടെ മോചനത്തിന് ആവശ്യമായ നടപടികള്‍ സ്വീകരിക്കുമെന്ന് ജിദ്ദയിലെ ഇന്‍ഡ്യന്‍ കോണ്‍സുലേറ്റ് അറിയിച്ചെങ്കിലും ഇതുവരെ നടപടിയായില്ല.

സമാനാവസ്ഥയില്‍ കഴിഞ്ഞ ചിലരുടെ മോചനം കോണ്‍സുലേറ്റ് ഇടപെടല്‍ വഴി സാധ്യമായിരുന്നു.എന്നാല്‍ ഈ മൂന്നുപേരുടെ മോചനത്തിന് കോണ്‍സുലേറ്റ് നടപടികളൊന്നും സ്വീകരിച്ചില്ലെന്ന് ബന്ധുക്കള്‍ ആരോപിച്ചു.