പിണറായി ഇന്ന് സെന്‍കുമാറിനെ കാണുന്നു

പുനര്‍നിയമനത്തിനും അനിശ്ചിതത്വത്തിനും ശേഷം മുഖ്യമന്ത്രി പിണറായി വിജയന്‍ ഇന്ന് സംസ്ഥാന പൊലീസ് മേധാവിയെ കാണുന്നു.വൈകിട്ട് നാലരയ്ക്ക് മുഖ്യമന്ത്രിയുടെ ഓഫീസിലാണ് കൂടിക്കാഴ്ച.സര്‍ക്കാരിന്റെ പൊലീസ് നയമാകും പ്രധാന ചര്‍ച്ചാ വിഷയം.നീണ്ട നിയമ യുദ്ധത്തിനും അധികാര ലബ്ധിക്കും ശേഷം അധികാരമേറ്റ സെന്‍കുമാര്‍ ഇന്നാണ് മുഖ്യമന്ത്രിയുമായി ആദ്യമായി കാണുന്നത്. സുപ്രീം കോടതി വിധിയ്ക്കു ശേഷം അധികാരമേറ്റടുത്ത സെന്‍കുമാറും മുഖ്യമന്ത്രിയുമായി കൂടിക്കാഴ്ച നടത്താതിരുന്നത് ചര്‍ച്ചയായിരുന്നു.ഇതിനിടയില്‍ ചീഫ് സെക്രട്ടറി നളിനി നെറ്റോയും പൊലീസ് മേധാവി സ്ഥാനമൊഴിഞ്ഞ് വിജിലന്‍സിന്റെ ചുമതലയേറ്റെടുത്ത ലോക്‌നാഥ് ബെഹ്‌റയും മുഖ്യമന്ത്രിയെ കണ്ടതും ചര്‍ച്ചയായി.തുടര്‍ന്നാണ് ഇന്ന് കൂടിക്കാഴ്ച നിശ്ചയിച്ചത്.