”ഞാനാരുടെയും വേലക്കാരനല്ല,സുപ്രീംകോടതി എന്റെ നാഥനുമല്ല”,ജസ്റ്റിസ് കര്‍ണ്ണന്‍

കോടതിയലക്ഷ്യത്തിന് നിയമനടപടി നേരിടുന്ന കൊല്‍ക്കത്ത ഹൈക്കോടി ജഡ്ജിയായിരുന്ന ജസ്റ്റിസ് കര്‍ണ്ണന്‍ വീണ്ടും സുപ്രീംകോടതിയ്‌ക്കെതിരെ കടുത്ത ആരോപണങ്ങളുമായി രംഗത്ത്.മാനസിക വൈദ്യപരിശോധനയ്ക്ക് കര്‍ണന്‍ വിധേയനാകണമെന്ന സുപ്രീംകോടതിയുടെ നിര്‍ദ്ദേശത്തെ തിരസ്‌ക്കരിച്ച് സംസാരിക്കുകയായിരുന്നു അദ്ദേഹം.ഞാനാരുടെയും വേലക്കാരനല്ലെന്നും സുപ്രീംകോടതി എന്റെ നാഥനല്ലെന്നുമുള്ള കടുത്ത ആരോപണങ്ങളാണ് കര്‍ണന്‍ ഇന്‍ഡ്യാ റ്റുടേയ്ക്കു നല്‍കിയ അഭിമുഖത്തില്‍ ഉന്നയിച്ചിരിക്കുന്നത്. ''എനിക്ക് വൈദ്യപരിശോധന ആവശ്യമില്ല,തന്നെയുമല്ല വൈദ്യപരിശോധനയ്ക്ക് വിധേയനാകാനുള്ള മാര്‍ഗനിര്‍ദേശം നല്‍കേണ്ടത് കോടതിയുമല്ല,ആര്‍ക്കെങ്കിലും വൈദ്യപരിശോധന ആവശ്യമുണ്ടെങ്കില്‍ ബന്ധപ്പെട്ടവര്‍ അതു കോടതിയില്‍ ഉന്നയിക്കണം.അവരുടെ അനുമതിയോടെ വേണം വൈദ്യപരിശോധന നടത്താന്‍.എന്നാല്‍ തന്റെ കാര്യത്തില്‍ ഡോക്ടര്‍ തന്നോട് സംസാരിക്കുകയും തന്റെആരോഗ്യസ്ഥിതിയില്‍ തൃപ്തനാണെന്ന് കോടതിയെ അറിയിക്കുകയും ചെയ്തതാണ്.പിന്നെ എന്തിനാണ് കോടതി ഇത്തരത്തില്‍ അനാവശ്യമായി നിര്‍ദ്ദേശം നല്‍കിയത് എന്ന് വ്യക്തമല്ലെന്നും കര്‍ണന്‍ ആരോപിച്ചു. കോടതി നിര്‍ദ്ദേശമനുസരിച്ച് ബംഗാള്‍ ആരോഗ്യമന്ത്രാലയത്തിലെനാലംഗ മെഡിക്കല്‍ സംഘം പരിശോധനയ്ക്കായി ജസ്റ്റിസ് കര്‍ണന്റെ വീട്ടിലെത്തിയെങ്കിലും മാനസീകമായി താന്‍ ആരോഗ്യവാനാണെന്നും പരിശോധനയ്ക്ക് തയ്യാറാകില്ലെന്നും അറിയിച്ച് സംഘത്തെ തിരിച്ചയച്ചു,എന്തുകൊണ്ടാണ് മെഡിക്കല്‍ പരിശോധനയ്ക്ക് താന്‍ വിധേയനാകാത്തതെന്ന് എഴുതിതയ്യാറാക്കിയ ഒരു സ്റ്റേറ്റ്‌മെന്റും മെഡിക്കല്‍ സംഘത്തിന് കര്‍ണന്‍ കൈമാറിയതായി റിപ്പോര്‍ട്ടുകളുണ്ട് ടമഡിക്കല്‍ പരിശോധനയ്ക്ക് നിര്‍ദ്ദേശം നല്‍കിയ ജഡ്ജിമാര്‍ക്ക് ഭ്രാന്താണെന്ന ആരോപണവും കര്‍ണന്‍ ഉന്നയിച്ചു.ദളിതനായതുകൊണ്ടാണ് താന്‍ ക്രൂശിക്കപ്പെടുന്നതെന്നും അദ്ദേഹം ആരോപിക്കുന്നു.ചീഫ് ജസ്റ്റിസ് ഉള്‍പ്പെട്ട ഏഴംഗ ജഡ്ജിമാരുടെ സംഘമാണ് കര്‍ണന് ജാമ്യമില്ലാത്ത വാറന്റ് കര്‍ണനെതിരെ പുറപ്പെടുവിച്ചത്. കൃത്യമായ തെളിവുകളില്ലാതെ രാജ്യത്തെ പ്രധാനപ്പെട്ട നിരവധി ജഡ്ജിമാര്‍ക്കെതിരെ അഴിമതി ആരോപണമുന്നയിച്ച് സുപ്രീംകോടതി ചീഫ് ജസ്റ്റിസിനും പ്രധാനമന്ത്രിയുടെ ഓഫീസിനും നിയമമന്ത്രിക്കും ജസ്റ്റിസ് കര്‍ണന്‍ കത്തയച്ചതിനെ തുടര്‍ന്നാണ് കര്‍ണനെതിരെ സുപ്രീംകോടതി കോടതിയലക്ഷ്യത്തിന് കേസെടുത്തിരിക്കുന്നത്‌