ശുചിത്വത്തില്‍ ഇന്‍ഡോര്‍ ഒന്നാമത്,യു പിയിലെ ഗോണ്ഡ വൃത്തിഹീനം

സ്വച്ഛ് ഭരത് സര്‍വ്വേ പ്രകാരം മധ്യപ്രദേശിലെ ഇന്‍ഡോര്‍ ശുചിത്വ നഗരങ്ങളില്‍ രാജ്യത്ത് ഒന്നാമതെത്തി.ഉത്തര്‍പ്രദേശിലെ ഗോണ്ഡയാണ് ഏറ്റവും വൃത്തിഹീനമായ നഗരം.നരേന്ദ്രമോദി സര്‍ക്കാരിന്റെ ഏറ്റവും ജനപ്രിയ പദ്ധതിയായ സ്വച്ഛ് ഭാരത് മിഷന്റെ പുരോഗതി വിലയിരുത്തുന്നതിനാണ് സര്‍വ്വേ നടത്തിയത്.അര്‍ബന്‍ ഡവലപ്‌മെന്റ് അതോറിറ്റിയാണ് സര്‍വ്വേയ്ക്ക് നേതൃത്വം കൊടുത്തത്.434 പട്ടണങ്ങളിലാണ് സര്‍വ്വേ നടത്തിയത്.

മധ്യപ്രദേശ് തലസ്ഥാനം ഭോപ്പാലാണ് ശുചിത്വത്തില്‍ രണ്ടാമത്.ആന്ധ്രയിലെ വിശാഖപട്ടണം.ഗുജറാത്തിലെ സൂറത്ത്,കര്‍ണാടകയിലെ മൈസൂര്‍ എന്നീ നഗരങ്ങള്‍ മൂന്നും നാലും അഞ്ചും സ്ഥാനങ്ങള്‍ പങ്കിട്ടു.2015ലെ സര്‍വ്വേ പ്രകാരം മൈസൂറായിരുന്നു ഒന്നാമതെത്തിയ നഗരം. വിവിധ നഗരങ്ങളില്‍ നിന്നുള്ള 3.7 കോടി ജനങ്ങളാണ് സര്‍വ്വേയില്‍ പങ്കെടുത്തത്.മുന്‍ വര്‍ഷത്തില്‍ ആദ്യ അഞ്ചു സ്ഥാനത്തുണ്ടായിരുന്ന ന്യൂ ഡല്‍ഹി ഏഴാമതായി പിന്തള്ളപ്പെട്ടു.നവി മുബൈയാണ് ആറാം സ്ഥാനത്ത്.ആദ്യ പത്തു സ്ഥാനങ്ങളില്‍ ഒന്നില്‍ പോലും കേരളത്തില്‍ നിന്നുള്ള ഒരു നഗരവും എത്തിയില്ല.