സാത്താന്‍ സേവകര്‍ കൊച്ചിയില്‍, സൂക്ഷിക്കുക…!

തിരുവനന്തപുരത്തെ നന്തന്‍കോട് കൂട്ടക്കൊലപാതകവുമായി ബന്ധപ്പെട്ട് വാര്‍ത്തകളില്‍ നിറഞ്ഞുനിന്നിരുന്ന ആസ്ട്രല്‍ പ്രൊജക്ഷന്‍ എന്ന സാത്താന്‍ സേവ മലയാളികളെ സംബന്ധിച്ചിടത്തോളം തീര്‍ത്തും ഞെട്ടിപ്പിക്കുന്ന പുതിയൊരറിവായിരുന്നു. വിദേശരാജ്യങ്ങള്‍ കേന്ദ്രീകരിച്ചുള്ള സാത്താന്‍ സേവ കേരളത്തിലും സജീവമായിക്കൊണ്ടിരിക്കുകയാണെന്നുള്ള ഞെട്ടിക്കുന്ന വിവരമാണ് പുറത്ത് വന്നുകൊണ്ടിരിക്കുന്നത്.

കൊച്ചി കേന്ദ്രീകരിച്ചാണ് സാത്താന്‍ സേവര്‍ അധികവും പ്രവര്‍ത്തിക്കുന്നത്. ഇതേപ്പറ്റി ഇന്റലിജന്‍സിന് നേരത്തെ വിവരം ലഭിച്ചതുമാണ്. കളമശ്ശേരി ഇടപ്പള്ളി, മട്ടാഞ്ചേരി എന്നിവിടങ്ങളാണ് ഇവരുടെ താവളം. വിശുദ്ധ കുര്‍ബ്ബനയെ അശുദ്ധമായി പ്രഖ്യാപിക്കുകയാണ് സാത്താന്‍ സേവക്കാര്‍ കൂടുതലായും ചെയ്യുന്നത്. വിശുദ്ധഗ്രന്ഥമായ ബൈബിളിനെ ചവിട്ടി വേണം വിശ്വാസികള്‍ അകത്ത് പ്രവേശിക്കുവാന്‍. മുന്‍ഭാഗം തുറന്ന രീതിയലുള്ള കറുത്തകുപ്പായമാണ് വൈദികന്‍ ധരിക്കുന്നത്. വിശ്വാസികള്‍ നഗ്നരായിരിക്കണം. കുര്‍ബ്ബാന ആരംഭിച്ചാല്‍ ആര്‍ത്തവമുള്ള പെണ്‍കുട്ടികള്‍ രക്തം ബൈബിളില്‍ പുരട്ടും. ശേഷം ഓസ്തിയും വീഞ്ഞും വാഴ്ത്തും. കുര്‍ബ്ബാനയ്ക്ക് ശേഷം പരസ്യമായി ലൈംഗീക ബന്ധവും നടക്കും.

സമൂഹത്തിലെ ഉന്നതരാണ് സാത്താന്‍ സഭയിലെ അംഗങ്ങളില്‍ ഏറെയും. ഉയര്‍ന്ന പൊലീസ് ഉദ്യോഗസ്ഥര്‍ വക്കീലന്‍മാര്‍, വ്യവസായ പ്രമുഖര്‍ തുടങ്ങിയവരെല്ലാം ഇതില്‍ അംഗങ്ങളാണ്. വിദേശത്ത് മെഡിസിന് പഠിക്കാന്‍ പോകുന്നവരാണ് ഇതില്‍ എറെയും.

2016 ല്‍ ചൈല്‍ഡ്‌ലൈന് ലഭിച്ച ഒരു പരാതിയുടെ പിന്നാലെ പോയപ്പോള്‍ ലഭിച്ചത് ഞെട്ടിക്കുന്ന വിവരങ്ങളാണ്. ചൈല്‍ഡ്‌ലൈനെയും പൊലീസിനെയും ഏറെ കുഴപ്പിച സംഭവം നടന്നത് കൊച്ചിയിലാണ്. പതിന്നാല് വയസ്സുള്ള പെണ്‍കുട്ടി ആര്‍ത്തവ സമയത്ത് ഉപയോഗിക്കുന്ന നാപ്കിന്‍ പാഡ് മോഷണം പോകുന്നു. നഗരത്തിലെ പ്രമുഖ വ്യവസായ കുടുംബത്തിലെ അംഗമായിരുന്നു പെണ്‍കുട്ടി. കൊച്ചിയിലെ പ്രമുഖ സ്‌ക്കൂലിലെ വിദ്യാര്‍ത്ഥിയായിരുന്ന പെണ്‍കുട്ടി ചൈല്‍ഡ്‌ലൈനുമായി നടത്തിയ കൗണ്‍സിലിങ്ങിലാണ് ഇക്കാര്യം വെളിപ്പെടുത്തിയത്. സംഭവത്തിന്റെ പിന്നിലെ സത്യാവസ്ഥ അറിയുവാന്‍ ചൈല്‍ഡ് ലൈന്‍ പ്രവര്‍ത്തകര്‍ പൊലീസിന്റെ സഹായവും തേടി.

ആര്‍ത്തവ സമയത്ത് ഉപയോഗിക്കുന്ന പാഡ് പെണ്‍കുട്ടി ബാത്ത്‌റൂമില്‍ തന്നെ സജ്ജീകരിച്ചിരിക്കുന്ന വെയ്സ്റ്റ് തന്നെ നിക്ഷേപിക്കുകയാണ് പതിവ്. എന്നാല്‍ രാത്രിയില്‍ മാറിയ പാഡ് രാവിലെ നോക്കുമ്പോള്‍ കാണില്ല. ഇതൊരു പതിവ് സംഭവമാണെന്ന് പെണ്‍കുട്ടി പറയുന്നു. കുട്ടിയുടെ വീട്ടിലെത്തിയ ചൈല്‍ഡ് ലൈന്‍ പ്രവര്‍ത്തകര്‍ പരിശോധന നടത്തിയപ്പോഴാണ് ആ ഞെട്ടിക്കുന്ന സത്യം ബോധ്യമായത്. പൊതു പ്രവര്‍ത്തനവും ചാരിറ്റി പ്രവര്‍ത്തനവുമൊക്കെയായി നഗരത്തില്‍ അറിയപ്പെടുന്ന ഒരു വ്യക്തിയായിരുന്നു കുട്ടിയുടെ അമ്മ. അറിയപ്പെടുന്ന കത്തോലിക്ക കുടുംബത്തിലെ സ്ത്രീ ഒരു വനിത കൂട്ടുകാരി മുഖാന്താരമാണ് സാത്തന്‍ സേവകരുടെ അടുത്ത് പോയിരുന്നത്. എല്ലാ ആഴ്ചയും സാത്താന്‍ സേവക്കായി പോകുന്ന ഇവര്‍ ഓസ്തി അപമാനിക്കാനാണത്രേ ആര്‍ത്തവ രക്തം പുരണ്ട പാഡുമായി പോകുന്നത്. സംഭവം കുട്ടിയോട് പറഞ്ഞില്ലെങ്കിലും സ്ത്രീയെ കൗണ്‍ലിങ്ങിന് വിധേയമാക്കിയാണ് അന്വേഷണം അവസാനിപ്പിച്ചത്.

ലഹരി വസ്തുക്കള്‍ ഉപയോഗിച്ച് തുടങ്ങുന്ന ആരാധന പിന്നീട് ഒരു ആവേശമായി മാറുകയാണ്. മയക്കുമരുന്ന് കലര്‍ത്തിയ വീഞ്ഞാണ് കുര്‍ബ്ബാന വീഞ്ഞിന് പകരമായി സാത്താന്‍ സേവക്കാര്‍ നല്‍കുന്നത്. നിയന്ത്രിത അളവില്‍ ശരീരത്തില്‍ കടത്തിവിടുന്ന പ്രത്യേക ലഹരി വസ്തു മനുഷ്യനെ ഉന്‍മാദത്തിലേക്കും മാനസിക വൈകല്യത്തിലേക്കും എത്തിക്കുന്നു.

വര്‍ഷങ്ങള്‍ക്കുമുമ്പുതന്നെ ഈ സാത്താന്‍ സേവ പ്രമേയമായിട്ടുള്ളൊരു മലയാള സിനിമ പുറത്തിറങ്ങിയിരുന്നുവെന്ന് പലര്‍ക്കുമറിയില്ല.പ്രശസ്ത സംവിധായകന്‍ ജയരാജിന്റെ ‘റെയിന്‍ റെയിന്‍ കം എഗെയിന്‍’ എന്ന ചിത്രമായിരുന്നു അത്. കോളേജ് വിദ്യാര്‍ത്ഥികള്‍ സാത്താന്‍ സേവയിലേക്ക് ആകര്‍ഷിക്കപ്പെടുന്നതായിരുന്നു ചിത്രത്തിന്റെ ഇതിവൃത്തം. സാത്താന്‍ സേവയെക്കുറിച്ചുള്ള വാര്‍ത്തകള്‍ ദിനംപ്രതി പുറത്തുവരുമ്പോള്‍ ഈ ജയരാജ് ചിത്രവും വീണ്ടും ചര്‍ച്ചയാവുകയാണ്.

'സാത്താന്‍ ഡോട്ട് കോം' എന്ന ഒരു വെബ്‌സൈറ്റില്‍ നിന്നാണ് സാത്താന്‍ സേവയെക്കുറിച്ചുള്ള വിവരങ്ങള്‍ ലഭിക്കുന്നത്. ഇങ്ങനെയൊരു ആരാധന നടക്കുന്നു എന്ന് അറിയുന്നത് അപ്പോഴാണ്. തുടര്‍ന്ന് നടത്തിയ അന്വേഷണത്തിലാണ് കേരളത്തില്‍ പലയിടത്തും ഇങ്ങനെയൊന്നുണ്ടെന്ന് അറിയുന്നത്. കേരളത്തില്‍ കൊച്ചിയില്‍ മട്ടാഞ്ചേരിയിലും മറ്റുമുണ്ടെന്ന് കേട്ടിട്ടുണ്ട്. അല്ലാതെ കണ്ടറിവൊന്നുമില്ല. ഇത്തരം സംഘങ്ങളില്‍ ഒത്തു ചേരുന്നത് പലപ്പോഴും ധനികരായിരിക്കും. വളരെ ഭ്രാന്തമായ ഒരന്തരീക്ഷമായിരിക്കും അവിടെ. ജയരാജ് ഒരു സ്വകാര്യചാനലിന് നല്‍കിയ അഭിമുഖത്തിലാണ് ഇക്കാര്യം വ്യക്തമാക്കിയത്.

കേരളത്തില്‍ ഇങ്ങനെ നടക്കുന്നുണ്ട് എന്നറിഞ്ഞപ്പോള്‍ അത്ഭുതമാണ് തോന്നിയതെന്ന് ജയരാജ് കൂട്ടിച്ചേര്‍ത്തു. ”സിനിമ ഇറങ്ങിയിട്ട് ഇപ്പോള്‍ 13 വര്‍ഷമായി. ഇങ്ങനെയൊരു സംസ്‌കാരം വളര്‍ന്നുവരുന്നു എന്ന് അറിയിക്കുക കൂടി ചെയ്യലായിരുന്നു ആ സിനിമ കൊണ്ടുദ്ദേശിച്ചത്. അത് വളരെ ഭീകരമായൊരു കാര്യമാണ്. സിനിമ പരാജയമായിരുന്നെങ്കിലും അത് കണ്ട പലരും ഇത് സത്യമാണോ എന്ന് ചോദിച്ചിരുന്നു. സാത്താന്‍ സേവകരുടെ ഹോളി മാസ് നടക്കുന്ന സമയത്ത് ലൂസിഫറിനെയാണ് അവര്‍ ആരാധിക്കുന്നതെന്നും മറ്റും കേട്ടിരുന്നു. അന്നൊന്നും ഇതിന് വ്യക്തമായ തെളിവുകളില്ലായിരുന്നു.” അദ്ദേഹം തുടര്‍ന്നു.

പക്ഷേ ഒരു കാര്യം വ്യക്തമാണ്. കേരളത്തില്‍ ഇങ്ങനെയൊന്ന് നടക്കുന്നു എന്നത് വളരെ പേടിപ്പെടുത്തുന്ന കാര്യമാണ്. ഇതിനെക്കുറിച്ച് നേരത്തെ അറിയാവുന്നതുകൊണ്ട് ഇപ്പോള്‍ വരുന്ന വാര്‍ത്തകള്‍ അദ്ഭുതമുണ്ടാക്കുന്നില്ല. ഇത് ലോകത്തില്‍ മുഴുവന്‍ നിരോധിച്ചതാണ്. അതുകൊണ്ടുതന്നെ അതീവരഹസ്യമായാണ് ഇവര്‍ ഒത്തുചേരുന്നത്. ഈ സംഘത്തില്‍പ്പെട്ടവര്‍ക്ക് പിന്നെ പുറത്തിറങ്ങി നടക്കാന്‍ അനുവാദമുണ്ടായിരിക്കില്ലെന്നാണ് കേട്ടിട്ടുള്ളത്.

നമ്മുടെ ഭാവി തലമുറയെ വേരോടെ നശിപ്പിക്കാനാണ് സാത്താൻ സഭകൾ നിലനിൽക്കുന്നത്. ഫ്രീ സെക്സ് തന്നെയാണ് യുവാക്കളെ ഇതിലേക്ക് ആകർഷിക്കുന്നതെങ്കിൽ സ്ത്രീകൾ പലരും വഴിതെറ്റി എത്തുന്നവരാണ്. കർക്കശമായ ചിട്ടകൾ ഇവർക്കിടയിൽ നിലവിലുണ്ട്. അതിനാൽ തന്നെ ഇതിൽ അകപ്പെട്ടു കഴിഞ്ഞാല്‍ പിന്നീട് രക്ഷപെടാനാവാത്ത പടുകുഴിയിലേക്ക് ഇവരെ എത്തിക്കുകയാണ് സംഘത്തിന്‍റെ പതിവ്.

ബംഗ്ലൂരിൽ നിന്നും കൊച്ചിയിലെത്തുന്ന നാൽവർ സംഘമാണ് കൊച്ചിയിലെ സാത്താൻ ആരാധനകൾക്ക് ചുക്കാൻ പിടിക്കുന്നതെന്നാണ് പൊലീസിനു ലഭിക്കുന്ന വിവരം. മൂന്നോ നാലോ മാസം കൂടുമ്പോഴാണ് സംഘം കൊച്ചിയിലെത്തുന്നത്. മൂന്നു സ്ത്രീകളും ഒരു പുരുഷനുമാണ് സംഘത്തിലുള്ളതെന്നും പൊലീസിനു വിവരം ലഭിച്ചിട്ടുണ്ട്. വിമാനത്തിൽ കൊച്ചിയിലെത്തുന്ന സംഘം ആഡംബര കാറുകളിലാണ്‌ സഞ്ചാരം. ഇവർക്ക് ആവശ്യമായ ആരാധന ക്രമം. ലിപികൾ, തലവനെ വാഴിക്കൽ, ഫണ്ട് എല്ലാം വിദേശത്തുനിന്നുമാണ്‌.

സാത്താൻ സഭയുടെ പ്രവർത്തനങ്ങളുമായി ബന്ധപ്പെട്ടുകൊണ്ട് നിരവധി പ്രമുഖർ ഇന്റലിജൻസ് നിരീക്ഷണത്തിലാണ്‌. ഉയർന്ന റാങ്കിലുള്ള പോലീസ് ഉദ്യോഗസ്ഥർ മുതൽ രാഷ്ട്രീയക്കാർ, നിരവധി ജന പ്രതിനിധികൾ, പ്രമുഖ വക്കീലന്മാർ, വിദേശ ബിസിനെസ്സുകാരായ മലയാളികൾ, നിരവധി സിനിമ നടി നടന്മാർ, തുടങ്ങി ഒരു വൻ നിര തന്നെ സാത്താൻ സഭയുടെ മുഘ്യധാര പ്രവർത്തകരായി നിലകൊള്ളുന്നുണ്ട്. കോഴിക്കോടും കൊച്ചിയിലുമായി പ്രവർത്തിക്കുന്ന ഹോസ്പിറ്റലുകളിലെ നിരവധി ഡോക്ടർമാർക്കും ഹോസ്പിറ്റൽ ഉടമകൾക്കും സാത്താൻ സഭയുമായി നേരിട്ടുള്ള ബന്ധമുണ്ടെന്നാണ് അന്വേഷണത്തില്‍ അറിയാന്‍ കഴിയുന്നത്. സാത്താന്‍സഭയുടെ ചിഹ്നം 'ഒരു വൃത്തത്തിനുള്ളിലെ നക്ഷത്ര'മാണ്. ഇത്തരം ചിഹ്നങ്ങള്‍ എവിടെയെങ്കിലും കാണാന്‍ ഇടയായാല്‍ ഉടന്‍ പൊലീസിനെ അറിയിക്കണം. നമ്മുടെ സഹോദരങ്ങള്‍ ഇനി ഇത്തരം പൈശാചിക പ്രവര്‍ത്തനങ്ങള്‍ക്കൊണ്ട് ജീവിതം ഇല്ലാതാക്കരുത്. അതിനായി നമ്മുക്കും ഒരു കൈ ശ്രമം നടത്താം. നമ്മുടെ ഭാവി തലമുറയെ നല്ല കെട്ടുറുപ്പുള്ളവരായി വളര്‍ത്തിയെടുക്കാം.